وين بتلاقوا مطاعم بتقدم أحلى سفرة عريس بالشام؟

إذا في عادة لسا محافظة على مكانتها بالأعراس الشامية، فهي سفرة الـ عريس. بعد يوم طويل من الفرح والتعب، بتكون أول سفرة بتجمع العريس والعروس، وغالباً بتكون مليانة بكل الأصناف يلي الكل بحبها؛ شاورما، فروج مشوي، بروستد، كريسبي، مشاوي، بطاطا، صوصات، ومقبلات. ولأن اختيار المطعم مهم حتى تكون السفرة مرتبة وطعمتها مميزة، جمعنالكم مجموعة من المطاعم المعروفة بسفرات العريس بدمشق.

1. مأكولات عز الشام

عز الشام من المطاعم المعروفة بين محبي الشاورما والفروج، وسفرة العريس عندن إلها شكل مميز لأنها بتجي على طبقات، وكل طبقة فيها صنف غير، لدرجة بتحسها بوفيه كامل مرتب قدامك.

السفرة بتجمع بين الشاورما، الفروج المشوي، البروستد، الكريسبي، ومعها فواكه ومكسرات وإضافات بتخليها أغنى وأفخم، وهيك بتكون مناسبة للعريس والعروس بعد يوم العرس، ولأي لمة بدها سفرة كبيرة ومنوعة.

العنوان: كفربطنا – الكرم
الهاتف: 0939215566

2, معجنات ومشويات موفق

إذا كنتوا عم تدوروا على سفرة عريس ملكية تلفت الأنظار من أول نظرة، فمعجنات ومشويات موفق من الأماكن يلي لازم تحطوها بالحسبان. السفرة عندن بتجي مرتبة على عدة طبقات، وكل طبقة فيها تشكيلة مختلفة، لتعطي شكل فخم وكأنها بوفيه متكامل.

بتضم السفرة مشويات، فروج، كريسبي، معجنات، فواكه، مكسرات، وحتى قالب كيك، لتكون جاهزة وتليق بهالمناسبة المميزة، سواء للعريس والعروس أو لاستقبال الضيوف بعد العرس.

العنوان: عين منين – الشارع الرئيسي
الهاتف: 5845800

3. تشيكستر

تشيكستر بيقدم سفرة عريس منوعة ومرتبة بتليق بهالمناسبة الخاصة، وبتجمع أكتر من صنف بنفس السفرة؛ من الشاورما والكريسبي للبروستد والبيتزا والباستا والوجبات الغربية. الخيار مناسب للعريس والعروس بعد يوم طويل، خصوصاً مع إمكانية اختيار الصوصات يلي بحبوها لتكون السفرة على ذوقن.

العنوان: الصالحية – جانب عصير أبو شاكر
الهاتف: 0968081424

4. لوسين

لوسين بيقدم سفرة عريس تجمع بين النكهات الشرقية والوجبات الغربية، مع تشكيلة متنوعة من البروستد، الكريسبي، الشاورما، والوجبات الرئيسية، لتكون السفرة متكاملة وتناسب المشاركة.

وإذا كنتوا من محبي الفروج المقرمش، فهالمكان معروف بالبروستد المقرمش والطعم الغني.

العنوان: الشعلان – دخلة الكنيسة جانب دخلة دامر
الهاتف: 0936011102 – 0113316434

5. مأكولات الشام

مأكولات الشام من الخيارات العملية يلي بترضي اذواق العرسان عالأكيد بسبب تنوع الأصناف وكثرة الفروع بالشام. سفرة العريس عندن بتجمع الشاورما، الفروج، البروستد، والباستا مع المقبلات والبطاطا، لتوصل جاهزة ومميزة.

وكمان انتشار الفروع بدمشق وريفها بيسهّل الطلب والتوصيل لأي منطقة تقريباً.

أبرز الفروع: شارع بغداد، المزة، الربوة، مشروع دمر، جرمانا، دوما، التضامن، الصناعة، عين ترما، طريق المطار، ضاحية قدسيا.

الهاتف: 0940840001

بالنهاية سفرة العريس جزء من فرحة العرس، ولهيك اختيار المطعم بيفرق بالطعم وجودة الأصناف وتنوعها. سواء كنتوا بتحبوا الشاورما، البروستد، الكريسبي أو المشاوي، هالمطاعم بتقدم خيارات متنوعة بتناسب هالمناسبة، لتكون أول سفرة بعد العرس مليانة بالطعم واللمة الحلوة.

المزيد:

5 مطاعم بتعمل صفيحة شامية ولا أطيب… لازم تجربوها! 

ريحة العجين المحمر بالفرن، وتتبيلة اللحمة الغنية باللبن أو البندورة، ورشة الصنوبر يلي بتكمّل الطعمة…