مكتبات مميزة في دمشق لعشّاق الكتب والروايات الجديدة

للمكتبات سحر خاص عند القرّاء؛ جولة بين الرفوف ممكن تبدأ بعنوان معيّن، وتفتحلك الطريق لعناوين جديدة وتجارب قراءة مختلفة. في دمشق، بتتنوع الخيارات بين مكتبات عريقة إلها حضورها من سنين، ومساحات حديثة للقراءة والاستعارة، لتصير كل زيارة فرصة لاكتشاف كتاب جديد. ولهالسبب، جمعنالك مجموعة مكتبات مميزة بدمشق تستحق الزيارة، ويمكن تلاقي بينها محطتك الجاية وعنوان يضيف شي حلو لمكتبتك.

1. مكتبة قنطرة

في مكتبة قنطرة، متعة الكتاب ما بتوقف عند لحظة الشراء. المكان فيه قاعة مخصصة للمطالعة، فبتقدر تاخد وقتك بين الكتب والروايات العربية والانكليزية، تتصفّح، وتختار العنوان اللي فعلاً شدّك. وإذا ما قدرت تزورها، المكتبة بتوفّر خدمة التوصيل ضمن دمشق والشحن لباقي المحافظات، لتضل الكتب أقرب إلك وين ما كنت.

الموقع: أول شارع العابد، أول مفرق عاليسار، مقابل صالة شام شريف.
للطلب والاستفسار: عبر صفحة المكتبة.

2. بلوم

بلومز مساحة مميزة لعشّاق القراءة والباحثين عن الإصدارات الجديدة والعناوين المختارة بعناية. بتوفّر المكتبة أعمال عربية وإنكليزية بنسخ أصلية، ضمن خيارات متنوعة بتناسب اهتمامات مختلفة، من الروايات الحديثة لإصدارات ممكن تكون عم تدور عليها من فترة. وكمان في خدمة توصيل ضمن دمشق وشحن لباقي المحافظات، إضافة للشحن لعدد من الدول الأوروبية، فبتقدر تختار عنوان إلك أو تبعته كهدية لشخص بتحبّه.

الموقع: الشعلان، مقابل حديقة السبكي، داخل روضة توديلي.
للطلب والاستفسار: عبر الموقع أو صفحة المكتبة.

3. دار الفارابي

بين مكتبات الحلبوني، بتحضر دار الفارابي كواحدة من الأسماء اللي رافقت قرّاء دمشق من سنين طويلة. تأسست سنة ١٩٦٧، ولساتها محافظة على حضورها كوجهة للي بيحبوا يفتّشوا بين الكتب ويكتشفوا عناوين جديدة على مهل. بتضم المكتبة كتباً بمجالات مختلفة، وبتوفّر البيع بالمفرق والجملة، إضافة لخدمة الشحن. ووجودها بقلب شارع المكتبات بيخليها محطة حلوة ضمن جولة قارئ ما بيكتفي بعنوان واحد، وبيترك دائماً مجال لكتاب يلفت نظره من بين الرفوف.

الموقع: الحلبوني، شارع المكتبات، مقابل كراج النعنع الطابقي.
للطلب والاستفسار: عبر صفحة المكتبة.

4. كتابك لبابك

كتابك لبابك وجهة حلوة للقرّاء اللي بيهمّهم يقتنوا كتبهم بنسخ أصلية، ويكتشفوا إصدارات عربية حديثة بطبعات أنيقة ومميزة. المتجر بيعرّف عن حاله كأول وأكبر متجر كتب سعودي في سوريا، وبيقدّم روايات وكتب ودواوين شعر من دور نشر وكتّاب عرب. وبهالفترة، فيك تلاقيه ضمن مهرجان صيف سوريا في قلعة دمشق، مع إصدارات جديدة وعناوين مختارة بتخلّي جولة الكتب جزء لطيف من طلعتك المسائية.

الموقع حالياً: قلعة دمشق، ضمن مهرجان صيف سوريا.
للطلب والاستفسار: عبر انستغرام المتجر أو موقعه الإلكتروني.

5. مكتبة ركن القصة

ركن القصة بيقدّم مفهوم مختلف وحلو للقراءة، قائم على مشاركة الكتب بدل ما تضل حبيسة الرفوف. هي مكتبة مجتمعية غير ربحية مخصصة للاستعارة، وبتضم أكتر من ٩٠٠٠ كتاب وقصة ورواية بالعربي والإنكليزي والفرنسي، لتناسب الأطفال واليافعين والكبار، وكل قارئ حسب عمره واهتمامه. وفيها كمان زوايا مهيأة للقراءة والدراسة، فبتقدر تختار كتابك، تقضي وقت هادي بين الصفحات، وترجع كل مرة لتكتشف عنوان جديد. تجربة دافئة بتقرّب الكتاب من القارئ، وبتخلي المكان مناسب للعيلة، للطلاب، ولكل حدا بيحب تكون القراءة جزء من يومه.

الموقع: المالكي، دمشق.

للطلب والاستفسار: عبر صفحة المكتبة.

6. مكتبة أسامة

للي بيحب يضل متابع أحدث الكتب والروايات في دمشق، مكتبة أسامة بتنشر بشكل مستمر العناوين والإصدارات اللي بتوصل حديثاً. رفوفها متنوعة بين الروايات والكتب الفكرية والدينية واللغوية، ومن الإصدارات الحديثة المتوفرة عندها رواية (الرعب) للكاتب أيمن العتوم.

الموقع: كورنيش الميدان، امتداد التميز لكفالة الأيتام، مقابل صالة الأمين.
رقم التواصل: 0983232684

7. دار الحب

وإذا بتحب تختار كتبك من البيت وتوصل لعندك، دار الحب خيار مناسب للشراء الإلكتروني. المتجر متخصص بالكتب والروايات، وبيوفّر عناوين عربية وكتب دينية ومجالات متنوعة، مع خدمة شحن لجميع المحافظات السورية.

الموقع: متجر إلكتروني في دمشق.
للطلب والاستفسار: 0992204759

وبين مكتبة عريقة، ومساحة للقراءة، ومكان بيجمع القرّاء حول حب الكتاب، بتضل دمشق مليانة زوايا حلوة للاكتشاف. وكل زيارة ممكن تفتحلك باب على عنوان جديد، كاتب جديد، أو حكاية ما كانت عالبال.

يمكن كتابك الجاية ناطرك على رف قريب أكتر مما بتتخيّل.

المزيد

وايت هيلز بدمشق: المكان يلي صار يجمع كل شي بتحبوه بطلعة وحدة 

م يقدّم فكرة مختلفة شوي ؛ مساحة كبيرة بتجمع الأكل والمشروبات، الفعاليات، التجارب الفنية، والجلسات الحلوة بمكان واحد