كول وشكور
إذا كنتوا من عشّاق المخبوزات وبتحبوا تجرّبوا نكهات جديدة، فمطعم «ساوردو» في دمشق ممكن يكون وجهتكن الجاية! هون بتلاقوا تشكيلة من السندويشات والمعجنات والبيتزا المحضّرة بعجينة الساوردو، يلي بتعتمد على التخمير الطبيعي والبطيء، وبتتميّز بنكهتها الغنية وقوامها المقرمش من برا والطري من جوا. والأحلى إنو المنيو فيه خيارات متنوعة من الأكلات المالحة للحلويات!
إذا بتحبوا تبدأوا يومكن بفطور طيب، فيكن تختاروا من أصنافه المميزة متل زعتر كلاس، لبنة ومكدوس، تركي بريكفاست، غرين إيطاليان، وحلوم غاردن، بالإضافة لـ تشيز ثرون لمحبي الأجبان.
أما إذا كنتوا من عشّاق البرغر والسندويشات، ففي عندن برغر ساوردو، برغر الترافل، دجاج ساوردو، كريزي هوت دوغ، وتونا واو، بخيارات متنوعة بتناسب مختلف الأذواق. ولمحبّي البيتزا، فيكن تجرّبوا بيتزا اللحوم المشكلة وبيتزا البيبروني، وتستمتعوا بنكهاتها مع عجينة الساوردو المميزة.
مين قال إنو الساوردو بس للسندويشات والأكلات المالحة؟ إذا بتحبوا تختموا وجبتكن بشي حلو، رح تلاقوا كوين ساوردو، نوتيلا ساوردو، وكنافة ساوردو، لتجرّبوا عجينة الساوردو بنكهات حلوة ومختلفة.
ومو بس الأكل يلي بيميّز ساوردو، حتى ديكور المطعم حلو وبسيط، بتفاصيل مرتّبة وأجواء مريحة بتخلّيه مكان لطيف لطلعة مع رفقاتكن أو وجبة خفيفة خلال النهار.
العنوان: ساحة العباسيين، شارع القصور، تاني دخلة على اليسار.
للتواصل والطلبات: 0997303030
وإذا حابين تطلبوا من البيت، خدمة التوصيل متوفرة عن طريق تطبيق (يلا غو).
فإذا بتحبوا تكتشفوا مطاعم جديدة بدمشق، ضيفوا ساوردو على قائمتكن، وخبرونا شو أول صنف حابين تجرّبوه!
أو ابدأ بأحد هذه الاقتراحات