يوم كامل ب باب توما: وين تفطروا، تشربوا قهوة وتتعشّوا؟

بين حاراتها العتيقة وبيوتها الدمشقية اللي بتحكي حكايات من زمان، بتضل باب توما من أحلى الأماكن للطلعات بالشام، خصوصاً مع تنوّع المطاعم والكافيهات اللي فيها. ومن الفطور الشامي للقهوة والحلويات، جمعنالكن 1 أماكن بباب توما لتختاروا منها اللي بناسب مزاجكن وجوعكن!

1. بيت جبري

بيت جبري بيجمع الفطور الشامي من الفتّة والمناقيش مع قعدة ببيت دمشقي عتيق، لأحلى صباح مع العيلة أو الرفقة.

الموقع: زقاق الصوف.

المحطة 2.13

المحطة 13 عنده فطور غربي وبيتزا وسندويشات، بخيارات متنوعة بترضي مختلف الأذواق.

الموقع: جانب المدرسة الآسية.

3. كنكنة

كنكنة بيقدّملكن القهوة والشاي والعصائر الفريش، لقعدة هادية بتناسب أجواء الشتوية الحلوة.

الموقع: دخلة حديقة القشلة.

4. دندنة

دندنة بيجمع القهوة والحلويات بأجواء دافية ومناسبة لقعدة حلوة أو حفلة عيد ميلاد مع الأصحاب.

الموقع: جانب المدرسة الآسية، نزلة سفل التلة.

5. شاورما البرج

شاورما البرج بيقدّملكن الشاورما بكل أشكالها، بالإضافة للمشاوي، والمعجنات، لوجبة سريعة ومشبعة وطيبة كتير.

الموقع: باتجاه القصاع.

6. بروستد الآغا

بروستد الآغا عنده كل أصناف الدجاج من فروج وكريسبي للبروستد والفاهيتا، خيار مميز لعشاق الغربي.

الموقع: باب توما.

7. توب برغر

توب برغر بيقدّملكن البرغر والسندويشات المتنوعة، لوجبة طيبة وسريعة مع الرفقة.

الموقع: طلعة الصوفانية، بناء المصرف التجاري رقم 10.

8. هاشي سوشي

هاشي سوشي بياخدكن لعالم المطبخ الياباني مع السوشي والمأكولات البحرية، لمحبي النكهات المختلفة.

الموقع: شارع باب توما.

9. حارتنا

حارتنا بيجمع الأطباق الشامية والشرقية والغربية بقلب بيت دمشقي رائع، لقعدة عائلية راقية وسفرة بترضي كل الأذواق.

الموقع: بجانب أسرة الإخاء السورية.

10. سيلينا

سيلينا بيقدم أطباق شامية وغربية، مع أجواء موسيقية بتناسب سهرات العشا.

الموقع: ساحة الدوامنة.

وإنتوا، شو مطعمكن أو كافيهكن المفضّل بباب توما؟ شاركونا أماكن بتستاهل نضيفها للقائمة!

المزيد

 5 كافيهات لطلعة رايقة بتغير المزاج!

بهالمقال رح نمرّ على خمس كافيهات بريف دمشق تميزوا بطابعهم الخاص،