أفضل مطاعم البوفيه المفتوح بدمشق لكل الأذواق!

إذا كنتوا من الناس اللي بتحب السفرات العامرة والأصناف المتنوعة، فأكيد رح تحبّوا تجربة البوفيه المفتوح بهالمطاعم بدمشق، خصوصاً إنّه بيخلّي كل واحد يختار اللي على مزاجه، من الفطور الشامي للمأكولات الشرقية والغربية والأطباق البحرية. والحلو إنّه بدمشق في مطاعم بتقدّم هالتجربة بأجواء مميزة بتناسب اللمّات مع الأهل والرفقات. فإذا عبالكن بوفيه فطور أو غدا مفتوح، جمعنالكن 5 مطاعم بدمشق بتستاهل تتعرّفوا عليها!

1. مطعم سفرطاس الشام

إذا كنتوا من عشّاق التنويع وتجربة نكهات مختلفة، فـ سفرطاس الشام من الأماكن اللي بتستاهل تتعرّفوا عليها، بصفته أول مطعم متخصص بالبوفيه بسوريا. هون فيكن تبدأوا نهاركن مع بوفيه فطور يومي، وتستمتعوا خلال الأسبوع ببوفيهات غدا متنوعة، من بوفيه الكبة والمشاوي والأسماك للبوفيه الشامي والعالمي، بالإضافة لبوفيه مخصص للسيدات. والأحلى إنّه كل يوم إلو أصنافه الخاصة، لتكون كل زيارة فرصة تجرّبوا فيها نكهات جديدة!

الموقع: الميدان، مول ماسة بلازا.

التواصل: 8822991 – 0989807232

2. مطعم شام غريل

شو في أحلى من فطور على رواء مع إطلالة حلوة على دمشق؟ شام غريل بيقدّم بوفيه فطور متنوع ضمن أجواء مريحة وجلسات بتناسب الصبحيات مع العيلة والرفقات، لتبدأوا نهاركن بسفرة عامرة وقعدة بتفتح النفس.

الموقع: كفرسوسة، مول شام سيتي سنتر، الطابق الرابع.

التواصل: 2110945 – 2141993 – 0991542222 – 0988118520

3. قهوة نظيرة خانم

ولمحبّي فطور بداية الأسبوع، قهوة نظيرة خانم بتستقبلكن كل سبت وأحد مع بوفيه فطور مفتوح، بيجمع أصناف الفطور المحبوبة بسفرة وحدة، ضمن أجواء مناسبة لصبحية رايقة مع العيلة أو الرفقات.

الموقع: أوتوستراد العدوي، دمشق.

التواصل: 0933819999

4. مطعم الساحة

أما إذا عبالكن غدا متنوع، فـ مطعم الساحة بيقدّم بوفيه مفتوح أيام السبت والإثنين والأربعاء، من الساعة 2 للـ7 مساءً، مع تشكيلة من المأكولات الشرقية والغربية والبحرية، بالإضافة للعصائر والحلويات.

الموقع: مشروع دمر، مجمع أب تاون.

التواصل: 0987804058 – 0937776213

5. مطعم قصر كيوان

وللّمة عائلية بعطلة الأسبوع، قصر كيوان بيقدّم برانش يوم السبت، مع تشكيلة متنوعة بتناسب اللي بيحبّوا يستمتعوا بفطور متأخر وغدا خفيف، ضمن أجواء راقية وقعدة بتجمع العيلة على سفرة وحدة.

الموقع: المزة، خلف مشفى المواساة.

التواصل: 0112110261 – 0955305555

حطّوا هالمطاعم البوفيه على قائمة طلعاتكن الجاية بدمشق، وخبرونا… بتفضّلوا بوفيه الفطور ولا الغدا؟

المزيد

أول مطعم ديلي بنكهات شرقية بقلب دمشق!

بلاك آوت عالماشي، بيجمع بين الأكل المبتكر والديكور العصري والأجواء الراقية