مدونة

سوبرماركت صينية بالشام: كل المنتجات مباشرة من الصين!

إذا كنتوا من الناس يلي بتحب تجرّب أشياء جديدة وغريبة، وبتتحمسوا لأي سناك أو أكلة ما شفتوها قبل، وخصوصاً من المطبخ الآسيوي والمنتجات الـ صينية، سوبرماركت المتجر الضيني بالشام رح يكون مكان لازم تزوروه. هالمتجر الصيني الصغير صار وجهة حلوة لكل محبي المنتجات الصينية المميزة. لأن بهالسوبرماركت مو بس داخلين تشتروا غرض وتمشوا، هون كأنكم عم تعملوا جولة صغيرة بعالم المنتجات الصينية: سناكات غريبة، أكلات آسيوية، حلويات، مشروبات، أدوات منزلية، إكسسوارات وهدايا، وكل فترة في بضاعة جديدة بتخلي التجربة تتجدد.

المميز بالمحل إنو بيوفر مجموعة متنوعة من الأطعمة والمنتجات الصينية الأصلية من قلب الصين لنص الشام. ومن أكتر الأشياء يلي رح تحبوها بـ المتجر الضيني إنكم بتلاقوا عندن كتير من الترندات العالمية يلي منشوفها عالسوشال ميديا ومنتحمس نجربها. من الموتشي الطري بنكهات مختلفة، للـ ماتشا بطعمها المميز، لشاي البوبا وحليب البوبا يلي صاروا من أشهر المشروبات حول العالم.

وبالنسبة لمحبي المشروبات الغريبة والمنعشة، هالمكان رح يعجبكم كتير. بتلاقوا خيارات صينية وآسيوية بنكهات كريمية وحلوة.

أما لمحبي الأكل الآسيوي، في عندن نودلز الأرز الصينية بطعم شينجيانغ الأصلي، مع صوص غني بيعطيك إحساس إنك عم تاكل بمطعم آسيوي وأنت ببيتك. وكمان بتلاقي عندن التبوكي لمحبي الأكل الحار، بقطع الأرز الطرية والصوص الحار يلي بيشهي من أول لقمة.

ومتوفر كمان ورق الأرز Rice Paper، خيار خفيف ولذيذ لعمل لفائف صحية بالخضار أو الدجاج أو الروبيان، وبيتميز إنو شفاف، خفيف، وقليل الدهون، ومناسب للي بحبوا وصفات الدايت والأكل الآسيوي السريع.

عشاق السوشي

أما إذا كنتوا من عشاق السوشي، فالمحل بيقدم سوشي فريش بتحضير يومي بأيدي أشهر شيف صيني وبأسعار منافسة، لتعيشوا تجربة آسيوية طيبة كتير والحلو كمان إنكم بتلاقوا عندن أدوات ومكونات السوشي لتعملوه بالبيت على ذوقكم، من ورق النوري والأرز والصوصات، للمستلزمات يلي بتخلي تحضير السوشي أسهل وأمتع.

ومن أكتر المنتجات الملفتة عندن بسكويت Gangfu Pop Rocks بطعم الكريمة، يلي بيفرقع بالفم وبيعطيكم قرمشة وتجربة مسلية. وكمان في بسكويت PIE بنكهات مميزة متل التوت الأزرق والدوريان، لمحبي التجارب الغريبة. يعني مو بس طعم جديد، كمان تجربة ممتعة وغريبة بنفس الوقت.

مو بس أكل! المتجر كمان فيه أدوات منزلية، زبادي وصحون صينية، إكسسوارات، هدايا. وحتى منتجات عملية مثل الدفاية متعددة الاستخدام يلي بتبرد بالصيف وبتدفي بالشتا بنفس الجهاز!.

ليش تزوروه؟ لأنه مكان بيكسر روتين التسوّق المعتاد، وبيخليكم تكتشفوا منتجات ونكهات جديدة. سواء بدكم أكلة مختلفة، سناك غريب، هدية لطيفة، أو غرض منزلي عملي، غالباً رح تلاقوا شي يشدكم.

عنوان سوبرماركت صينية بالشام: الزبلطاني، دخلة الهجرة والجوازات.
الخدمات: البيع بالمفرق والجملة والتوصيل متاح ضمن دمشق وريفها مع إمكانية الشحن لكافة المحافظات السورية.
للإستفسار والطلبات: 0959 156 675 – 011 4714397
أوقات الدوام: من الساعة 10 صباحاً حتى 10 مساءً، كل أيام الأسبوع. يوم الجمعة الدوام من الساعة 2 ظهراً حتى 10 مساءً.

المتجر الضيني مكان حلو لكل شخص حابب يغيّر عن المألوف ويجرّب منتجات صينية جديدة، سواء للأكل أو للبيت أو للهدايا. تجربة مختلفة، ممتعة، وبتستاهل لترضوا فضولكم!