من وين اجت أسامي العائلات الشامية؟ خلونا نكتشف سوا

كتير منسمع عن العائلات الشامية العريقة، أسماءها متداولة ومعروفة بين الناس، لكن أحياناً بيكون في غموض حول أصل هالتسميات، ليش هالعائلة بالذات اتسمت بهادا الاسم، وشو كانت القصة وراه. بعض الأسماء بتكون مرتبطة بمهن معينة كانت العائلة تشتغل فيها من زمان، وبعضها ممكن يكون جاي من مكان، صفة، أو حتى حادثة طريفة صارت وخلت الاسم يلتصق بالعائلة عبر الأجيال. بهي الطريقة، كل عيلة صار إلها حكاية خاصة مرتبطة باسمها، بتعكس جزء من تاريخها وحياة أجدادها.

الأسماء حسب المهن!

دمشق معروفة بأسماء عائلاتها اللي بترجع لمهن أو أماكن أو حتى صفات معينة. مثلاً، في عائلات اتسمت حسب مهن متعلقة بالنسيج متل بيت الحايك والصباغ والصواف. أما اللي اشتغلوا بصناعة الأحذية فنسموا بالجزماتي و السكافي و القباقيبي. وعائلات اشتغلت بتجارة الأحذية نسموا بالجزماتي و السكافي و الكندرجي. وفي ناس اتسموا بأسماء مرتبطة بأوزان مثل بيت القباني والكيال، أو بالطبخ مثل بيت العشا والطباخ.

وفي عائلات ارتبطت بمهن متعلقة بالأكل و السمانة متل بيت الخضري والسمان و الفاكهاني، وكمان فيه اللي اشتغلوا بالبقالة والجبن والدبس وسموهم بأسماء مرتبطة بهالمنتجات. العائلات اللي اشتغلت بالبناء و العمارة نسموا بالمعمر باشي والطيان والحفار.

الدمشقيين كمان عندهم عائلات سميت حسب شغلها بالمقاهي مثل بيت القهوجي والحكواتي. وعائلات اشتغلت بالفول والحمص نسموا بالفوال والحمصاني، وفيه عائلات ارتبطت بالملبوسات مثل بيت الخياط والطرزي.

اللي كانوا يهتموا بالنحل اتسموا بالنحلاوي والعسلي، وعائلات اشتغلت بالتعليم اتسمت بالمدرس والمعلم. واللي كانوا يحرسوا البيوت والأماكن نسموا بالبواب والحارس.

أما اللي كانوا يتعاملوا بالذهب اتسموا بالصايغ والجوهرجي، وفيه اللي اشتغلوا بالحدادة نسموا بالحداد والبوابيري.

بدمشق كمان فيه عائلات اتسمت بأسماء أدوات موسيقية مثل بيت الوتار والعواد. واللي اشتغلوا بصناعة الحلويات نسموا بالكعيكاتي والحلواني والبغاجاتي، واللي عملوا بالأفران اتسموا بالخباز والفران.

وحتى المدن!

بعض العائلات اتسمت بأسماء أعضاء الجسم مثل بيت العظم وأبو شعر، وفيه اللي اتسموا حسب ألوانهم مثل الأسمر والأسود والأبيض. فيه كمان عائلات اتسمت بأسماء أصوات او صفات متل بيت زلزل وكركر ودك الباب وشيخ الشباب.

ولأنو دمشق كانت دايماً مدينة مفتوحة للمهاجرين، فيه عائلات اتسمت على أسماء مدن أو بلاد جاية منها، مثل الحمصي والحلبي واللاذقاني والبيروتي والبغدادي. كمان فيه اللي تسموا حسب المناطق داخل دمشق نفسها مثل الشاغوري والميداني.

وهيك صارت دمشق مليانة بتنوع كبير بأسماء العائلات، وكل اسم عنده حكاية بترجع لمهنة أو مكان أو صفة أو حتى شغلة تميزت فيها العائلة عبر الزمن.