أطيب محلات المناقيش والفطاير بدمشق… لفطور على السريع

ريحة الزعتر عالصبح، عجينة طالعة سخنة من الفرن، وكاسة شاي أو قهوة عالماشي… أوقات ما بدها أكتر من هيك لتبلّش النهار بمزاج منيح. وبدمشق وحواليها في محلات كتيرة صارت معروفة بـ المناقيش والفطاير، من الوصفات الشامية التقليدية للحشوات الجديدة والبيتزا والمعجنات. لهيك إذا عبالك فطور سريع وطيب، هي مجموعة أماكن ممكن تحطها ع القائمة.

1. بيتزا ومعجنات عوافي

من الخيارات اللي بتجمع بين المعجنات والبيتزا بتشكيلة مناسبة للفطور أو للطلب عالبيت، وعندهم أصناف متنوعة بين الجبنة والزعتر والمحمرات وغيرها.

المكان: الجسر الأبيض – طلعة العفيف – جانب بن الحموي
للتواصل:  3317253
يوجد خدمة توصيل

2. السنيور

إذا محتار بين منقوشة وفطيرة وبيتزا، هون بتلاقي أكتر من خيار بمكان واحد، مع تنوع كبير بالحشوات والأصناف اللي بتناسب كل الأذواق.

المكان: عرنوس – أول شارع الباكستان
للتواصل: 0114444693

3. الفرن اللبناني

من الأماكن اللي بتقدّم نكهات لبنانية بقلب دمشق، ومعروف بالمناقيش والمعجنات ع طريقة لبنانية المناسبة لفطور طيب وخفيف، ومن الخيارات المميزة عندهم منقوشة الزعتر والخضرة ومنقوشة الفلافل، وللغدا كمان في أصناف مثل الصفيحة الشامية، البعلبكية، مع إمكانية الطلب.

المكان: الشعلان – حبوبي رابع، جانب جلديات النجار
خدمة التوصيل: متوفرة عبر تطبيقات بي أوردر، يلا غو، وموفو.

4. دولتشي فورنو

خيار مناسب للي بيحب المخبوزات والمعجنات بطابع مختلف شوي، مع تشكيلة من الأصناف اللي ممكن تناسب فطور سريع أو سناك خلال النهار.

المكان: الشعلان، مقابل بنك بيبلوس – بناء فينيكس
للتواصل: 0930770085

5. أون فاير

بيقدّم مناقيش وفطاير وبيتزا بتشكيلة مناسبة للفطور أو للّمة، وخصوصاً إذا بدكم تطلبوا أكتر من صنف وتتشاركوا بيناتكم.

المكان: صحنايا – مدخل القرية الصغيرة
للتواصل: 0930643782

6. معجنات الشعلان

محل بيقدّم تشكيلة واسعة من الفطاير بحشوات مختلفة، من الزعتر والجبنة للمحمرة وأصناف تانية مناسبة للفطور السريع أو لطلب تشكيلة كاملة للبيت.

المكان: سوق الميدان – الجزماتية، مقابل فروج أنس
للتواصل: 0118887600

7. معجنات وعصائر البرلمان

من الأماكن اللي بتجمع بين الفطاير والمعجنات الساخنة والعصائر الفريش، فممكن يكون خيار مناسب لفطور سريع وخفيف مع مشروب بارد أو عصير فريش.

المكان: بوابة الصالحية – دمشق
للتواصل: 0112334044

8. نار وفخار(زيت وزعتر)

مكان مناسب لمحبي المناقيش والبيتزا، مع أصناف متنوعة ممكن تكون خيار طيب لفطور سريع أو لقعدة خفيفة مع الرفقة.

المكان: بلودان
للتواصل: 0960022002

إنت، وين بتروح لما تشتهي منقوشة سخنة عالفطور؟

المزيد

 5 كافيهات لطلعة رايقة بتغير المزاج!

بهالمقال رح نمرّ على خمس كافيهات بريف دمشق تميزوا بطابعهم الخاص،