البقلاوة الدمشقية على أنواعها: وين بتلاقيها بالشام؟

البقلاوة الدمشقية ما إلها شبيه، بطبقات العجين المقرمشة و بحلاوة متوازنة وحشوات غنية من فستق حلبي، كاجو، قشطة، أو جوز. من أشهر أنواعها بقلاوة الفستق الحلبي، الآسية، عش البلبل، البلورية، المبرومة، أساور الست، البقجة، أصابع البقلاوة، الكول وشكور، الوربات، والنمورة. تعالوا نعرف وين بتلاقوا أفضل وأطيب بقلاوة بالشام.

1. سميراميس: رمز الأصالة من 1928

سميراميس هو عنوان الجودة والحرفية. البقلاوة عندهم بتجمع بين العجينة الهشة والطعم الغني لحشوات متنوعة متل الفستق والجوز والقشطة. تجربة لا تقاوم لمحبي الحلويات الفاخرة.
📍 العنوان: دمشق – باب شرقي

2. حلويات الفيصل: الأصالة بنكهة فريدة

بقلاوة الفيصل بتتألق بعجينة رقيقة وحشوات متنوعة من الفستق الطازج أو القشطة الغنية. كل لقمة بتجمع بين الطعم الأصيل واللمسة الفنية لأروع البقلاوة الدمشقية.
📍 العنوان: دمشق، الصالحية
📞 للتواصل +963 11 662 4602

3. حلويات السلطان: الحلو اللي من ذهب

بقلاوة السلطان مميزة بلونها الذهبي ولمعتها الرائعة. طبقات عجينة متقنة وحشوات غنية بتدوب بالتم، تجربة بتجمع فخامة القرمشة والطعم اللذيذ الأصيل.
📍 العنوان: دمشق – شارع بغداد، المزرعة
📞 للتواصل 9226

4. حلويات داوود إخوان: تراث بنكهة أصيلة

بقلاوة داوود إخوان بتحافظ على جمال البقلاوة الدمشقية التقليدية. عجينة مقرمشة وحشوات متنوعة بتعكس نكهة الشام العريقة بكل قطعة.
📍 العنوان: الشعلان، شارع أمين لطفي الحافظ
📞 للتواصل +963 11 882 4810

بالنهاية رغم إنو أصل البقلاوة بيرجع غالباً للإمبراطورية العثمانية، إلا إنو دمشق خلتها فن قائم بذاته بإتقان حرفيي الشام و براعتهم، و صارت البقلاوة الدمشقية رمز للأصالة والفخامة، ومتفوقة حتى على منافساتها. وبتبقى الخيار الأول لعشاق الحلويات الشرقية اللي بيدوروا على الطعم الأصيل والنكهة المميزة.

خبرونا عن ألذ واطيب بقلاوة جربتوها!

انبسطت بهالمقال؟ تأكد تزور قسم #كول-وشكور على موقعنا لتشوف المزيد!