أفضل 8 مطاعم شيش طاووق بالشام.. لازم تجربهم!

إذا كنت من محبي الشيش طاووق وعم تدور على مطعم بيقدملك فروج متبل على الأصول، مشوي باستواء ممتاز، مع كريم ثوم وبطاطا بيكملوا الطعمة، فهي القائمة رح تساعدك. جمعنالكم 8 من أشهر مطاعم الشيش طاووق بالشام، وكل واحد منها إله نكهته الخاصة وطريقته المميزة بتقديم هالأكلة.

1. أكشن طاووق

إذا كنت من محبي سندويشات التورتيلا، فأكشن طاووق من الأماكن يلي لازم تزورها. المطعم بيقدم تشكيلة متنوعة من سندويشات و وجبات الشيش طاووق مثل الأورجينال، التشيز، والسبيشل، مع صوصات خاصة بتضيف نكهة مميزة لكل سندويشة. وكمان بتلاقي عندهم برغر، بيتزا، بطاطا، وسلطات متنوعة بتناسب طلعات الرفقات والعائلات لتكون جمعتكم متكاملة.

العنوان: دمشق – كفرسوسة – جانب المركز الثقافي.

للتواصل: 0965404073

2. طاووقجي

إذا في اسم ارتبط بالشيش طاووق بدمشق فهو طاووقجي. الفروج المتبل بأطيب نكهة، الشوي المتقن، وجودة المكونات خلت المطعم من الوجهات المفضلة لعشاق الطاووق بكل أشكاله. بالإضافة للطاووق، عندهم وجبات عربي، فروج مشوي، بروستد، كريسبي، برغر، بطاطا، بالإضافة لسلطات ومقبلات متنوعة بتكمل أي وجبة.

الفروع والتواصل :

• الروضة: 0997815812
• المزة – أب تاون: 0959931353
• دامسكينو مول. : 0987308818

3. كباب لينك

إذا بتحب تجرب نكهات جديدة، كباب لينك بيقدم خيارات مختلفة وجديدة من الشيش طاووق مثل تشيزي شيش وأوزي شيش المليان جبنة، بالإضافة لوجبات العربي، السلطات، المقبلات، والصوصات المتنوعة، لتكون وجبتك متكاملة من أولها لآخرها.

العنوان: دمشق – داماسكينو مول B2.

963941922892

4. بابريكا

بابريكا من المطاعم المعروفة بتقديم الفروج والمشاوي، والشيش طاووق عندهم بيتميز بتتبيلة غنية بتشهي وشوي بيحافظ على طراوة الفروج بأطيب شكل. بالإضافة للطاووق، بتلاقي خيارات متنوعة من الشاورما، البروستد، والفروج المشوي.

الفروع والتواصل:

• ساحة عرنوس: 0986554422
• تايم سنتر مول – العباسيين: 0998200020

5. هويله

إذا كنت حابب تغير عن الشيش التقليدي، هويله بيقدم عدة أصناف مثل شيش باربيكيو، كلاسيك شيش، هاني مسترد شيش، والتمت شيش، مع إمكانية إضافة صوصات متنوعة بتعطي السندويشة نكهة مميزة.

العنوان: دمشق – حي زقاق الصخر – شارع الميسلون – دخلة فلافل بيسان.

للتواصل: 0113333231

6. زوربا

زوربا من المطاعم يلي بتجمع بين المشاوي والأطباق الغربية، وبيقدم وجبة شيش طاووق بطعم مميز مع تشكيلة واسعة من الأصناف الغربية، والحلويات والمشروبات، بالإضافة لخدمة التوصيل عبر موفو وبي اوردر.

العنوان: دمشق – ساحة الميسات.

للتواصل:
0114411043

7. جنة صيدنايا

إذا كنت متوجه على صيدنايا، لا تفوت تجربة الشيش بالزعتر، وهو من أكثر الأصناف طلباً عندهم. المطعم معروف بتقديم المشاوي والأطباق الشرقية والغربية بجودة عالية وأجواء حلوة مناسبة للعائلات.

العنوان: صيدنايا – ريف دمشق.

للتواصل: 963932595900

8. آرارات

إذا كنت بتحب الأطباق المميزة، جرّب شيش الفخارة عند آرارات، والمقدم بصوص كريمي غني ومغطى بطبقة من الجبنة الذهبية. المطعم بيقدم كمان تشكيلة واسعة من الأطباق الشرقية والغربية ضمن أجواء دمشق القديمة.

العنوان: دمشق القديمة – حي الدقاقين – البزورية.

للتواصل:
0933225436

سواء كنت بتحب الشيش طاووق الكلاسيكي أو النكهات الجديدة مع الصوصات والجبنة، هالمطاعم من أفضل الخيارات بدمشق لتستمتع بوجبة طيبة. جرّب أقرب مطعم إلك، ويمكن تكتشف مكانك المفضل الجديد.

عجبكم المقال؟ تأكد تزور قسم #كول-وشكور على موقعنا لتشوف المزيد!