وين تجرّبوا أطيب فتة وتسقية بدمشق؟ 

للفتات والتساقي مكانة خاصة على سفرتنا الشامية، وخصوصاً لما تكون محضّرة على الأصول، مع الخبز المحمّص والمكسرات، وريحة السمنة العربية اللي لحالها بتفتح النفس! ومن الفتة بالسمنة واللحمة للتسقية الشامية، كل صنف إله نكهته اللي بتميّزه، وبيخلّي لفطور الصبح مع الأهل والرفقات طعمة تانية. والحلو إنّه بدمشق في مطاعم بتقدّم هالأكلات الشعبية بأصناف متنوعة، ولهالسبب جمعنالكن 5 مطاعم بدمشق وريفها بتستاهل تجرّبوها، وتكتشفوا وين ممكن تلاقوا فتة على مزاجكن!

1. شهبندر الشام

لعشّاق الفتة الشامية الأصيلة، شهبندر الشام بيقدّم فتة بالسمنة العربية والمكسرات، مع الخبز المحمّص واللبن الغني. وفي كمان فتة باللحمة والرمان المجفف، بالإضافة للفول والمسبحة والفلافل، لفطور شامي عالأصول.

الموقع: شارع خالد بن الوليد، دمشق.

2. مطعم ديبو

إذا بتحبّوا فتة بالسمنة، فـ مطعم ديبو بدمشق عنده صحن بيجمع الحمص الساخن والسمنة العربية بنكهة بتفتح النفس، إلى جانب الفول والمسبحة والفلافل وغيرها من المأكولات الشامية.

الموقع: مساكن برزة، موقف النصر، ودمر البلد، الطريق العام.

3. مطعم عبد العزيز

ولمحبّي الفطور الشامي، مطعم عبد العزيز بيقدّم الفتة بالسمنة واللحمة، مع الحمص واللبن الكريمي والمكسرات، بالإضافة لصواني الفول والتسقية اللي بتناسب اللمّات الصباحية.

الموقع: دوما، امتداد دوار الشهداء، مقابل مبنى الزراعة.

4. مطعم الكمال

إذا عبالكن فتة شامية مع قعدة رايقة، فـ مطعم الكمال عنده أنواع مختلفة من الفتات، سواء بتحبّوها بالسمنة العربية أو بالزيت، إلى جانب تشكيلة من الأطباق الشرقية والغربية.

الموقع: شارع 29 أيار، دمشق.

5. مطعم مأكولات المحبة

أما لعشّاق النكهات الشامية الغنية، فـ مطعم المحبة بيتميّز بأصناف متل فتة السجقات وفتة المقادم، بالإضافة للقباوات والكرشة وغيرها من المأكولات الشعبية، مع خدمة التوصيل.

الموقع: الميدان، الجزماتية، وضاحية قدسيا، دوار تروي.

حطّوا هالمطاعم على قائمة فطوركن الجاية، وخبرونا… وين بتاكلوا أطيب فتة بالشام؟

المزيد

 5 كافيهات لطلعة رايقة بتغير المزاج!

بهالمقال رح نمرّ على خمس كافيهات بريف دمشق تميزوا بطابعهم الخاص، وكل واحد منهم عنده جو مختلف ممكن تروّق فيه على طريقتك: