من لبنان للشام… ملك الطاووق قريباً بدمشق

بعد رحلة بلّشت من لبنان ووصلت لأكتر من ٧٥ فرع بـ٧ دول حول العالم، ملك الطاووق صار بطريقه عالشام، هالبراند اللبناني اللي انطلق سنة ١٩٩٦ عم يستعد يفتح أول فرع إله بدمشق. هالخبر رح يفرّح كل مين بيعرف الاسم أو سبق وجربه برا سوريا. وقبل الافتتاح، رح ناخدكن بجولة عالمنيو لنتعرّف سوا عالأصناف اللي ناطرتنا.

نجم المنيو الأساسي:

الطاووق هو نجم المنيو بلا منافس، وحاضر بأكتر من خيار ونكهة، ومن أول نظرة عالأصناف بتعرفوا إنو التجربة ما رح توقف عند سندويشة وحدة. والبداية مع الطاووق الكلاسيك، بدجاج متبّل على الطريقة اللبنانية الخاصة بالمطعم، مع الثوم والبطاطا والمخلل وسلطة الملفوف والكاتشب، بخلطة غنية ولذيذة لعشاق نكهة الطاووق الأصلية اللي اشتهر فيها ملك الطاووق.

وإذا بتحبوا الطاووق بإضافات أغنى، في طاووق بالجبنة، أو الطاووق السبيسيال مع الجبنة والحبش لنكهة مميزة أكتر. وهون بيصير الاختيار أصعب: الكلاسيك بنكهته الأصلية، ولا السبيسيال بإضافاته؟

قائمة ملك الطاووق… سندويشات وبرغر وأكتر:

عند ملك الطاووق في أصناف كتيرة بتستاهل تتجرب، خصوصاً لما تكون القعدة مع الرفقة وكل واحد عباله شي مختلف. في سجق، إسكالوب مقرمش، وسندويش بطاطا، غير برغر اللحم والدجاج، وكمان برغر الطاووق للي حابين يجربوا طعمة الطاووق بطريقة مختلفة.

وفي أطباق كاملة كمان، يعني فيكن تختاروا بين سندويشة سريعة عالماشي أو غدا أروق مع الرفقة، ومع تنوّع الأصناف بيكون أحلى شي تطلبوا أكتر من خيار عالطاولة وتجرّبوا شوي من كل شي، خصوصاً بأول زيارة لحتى تكتشفوا شو أكتر صنف رح يعجبكن.

قسم ع الخفيف… خيارات صحية ومشبعة

وللي بيفضّلوا الأكل الصحي والوجبات الأخف، إلهم خيارات حلوة كمان. قسم عالخفيف فيه  أكتر من صنف، من الفتوش بنكهته المنعشة والسيزر سالاد، لـ السيزر مع الدجاج، غير السلطة المكسيكية وسلطة الدجاج مع الأفوكادو.خيارات فيها خضار ومكونات خفيفة ومشبعة بنفس الوقت، ومناسبة للي عبالهم غدا أخف أو بيحبوا ينتبهوا على أكلهم، من دون ما يبعدوا عن النكهات الطيبة.

وين رح يفتح ملك الطاووق؟

الفرع الجديد رح يفتح بـ دمشق – أبو رمانة، مقابل حديقة المدفع، والافتتاح صار قريب كتير. يعني جهّزوا الرفقة من هلأ، ولا تفوّتوا الزيارة. من أول تجربة ممكن يصير ملك الطاووق واحد من مطاعمكن المفضّلة بالشام.

المزيد:

5 مطاعم بتعمل صفيحة شامية ولا أطيب… لازم تجربوها! 

ريحة العجين المحمر بالفرن، وتتبيلة اللحمة الغنية باللبن أو البندورة، ورشة الصنوبر يلي بتكمّل الطعمة…