5 كافيهات جديدة بدمشق لتغيّر جو بالصيفية

الصيف بدمشق بيحلى بطلعة خفيفة ومكان جديد يضيف شي لطيف لليوم. قهوة من الصبح، لمّة فيها ألعاب وضحك، أو سهرة مع أكل وقعدة مريحة… الخيارات كتيرة، وكل طلعة إلها مزاجها. ولهالصيفية، جمعنالك خمسة كافيهات بدمشق ممكن يكونوا من الأماكن الحلوة اللي تجربها مع العيلة أو الرفقات بالصيفية.

1. قصة

قصة مكان لطيف للصباحات اللي بتحب تبدأها على رواق. قهوة، سناكات، وقعدة بسيطة بتناسب لقاء خفيف أو استراحة صغيرة قبل ما تكمل نهارك. والحلو إنه بيفتح من بكير ع ساعة 8 بمعظم أيام الأسبوع، فبيكون خيار مناسب للطلاب، للقاءات الصباحية، أو حتى لساعة هدوء بعيد عن عجقة اليوم.

الموقع: البرامكة، بجانب كلية الاقتصاد.
رقم التواصل: 0967821567

2. ويزي

بـ ويزي، اللمّة بتاخد شكل مختلف وأمتع. المكان فيه أكتر من ٢٥٠ لعبة طاولة متنوعة، يعني السهرة ممكن تبدأ بلعبة خفيفة وتتحول بسرعة لمنافسة وضحك وتحديات بين الرفقات. ومع المشروبات والسناكات، بيكون من الخيارات الحلوة للمة الرفقة اللي بتحب تضيف نشاط للطلعة وتعمل شي أكتر من القعدة والحكي.

الموقع: الشعلان، موقف نورا، دخلة زنبركجي.
رقم التواصل: 0985119922

3. فايبز

فايبز بيقدّم أكل خفيف بطابع عصري، من السندويشات للباستا، مع أطباق فريش وتقديم مرتب. أجواؤه شبابية وحيوية، فبيزبط لغدا سريع، قعدة مع الرفقات، أو وجبة تاخدها معك وتكمّل يومك.

الموقع: ساحة المحافظة، بناء المهندسين.
أرقام التواصل: 0933000756 – 0114025 – 0112211800

4. تورنيدو دبي

تورنيدو دبي بيجمع بين القهوة والأكل بقعدة مريحة وتفاصيل أنيقة ، مع أطباق ولا أطيب ونكهات بتكمّل الجو. والتراس بيعطي المكان لمسة صيفية حلوة، خصوصي لقعدات العصر والسهرات الهادية مع الرفقات.

الموقع: المزة، بجانب المواساة الخيري.
رقم التواصل: 0994253930

5. روزانا

روزانا مناسب لطلعة بتجمع القعدة المرتبة مع منيو متنوع، من البيتزا والبرغر والساندويشات للوجبات الغربية والباستا والمقبلات، غير التحلاية والمشروبات. وفيه جلسات داخلية وخارجية، فبيمشي للّمة مع الرفقات أو قعدة عائلية، خصوصي مع العروض الموسمية اللي بتخلّي التجربة ألطف.

الموقع: ساحة الشهبندر، دمشق.
التواصل عبر الرسائل المباشرة

هيك صار عندك خمس كافيهات بدمشق، وكل واحد فيهن إلو جوّه الخاص. اختار اللي بناسب طلعتك وخلي الصيفية أحلى.

المزيد

وايت هيلز بدمشق: المكان يلي صار يجمع كل شي بتحبوه بطلعة وحدة 

م يقدّم فكرة مختلفة شوي ؛ مساحة كبيرة بتجمع الأكل والمشروبات، الفعاليات، التجارب الفنية، والجلسات الحلوة بمكان واحد