كول وشكور
برغر ولا أطيب بدمشق … لازم تجربوا من هالمحلات المميزة!
لما تكون قطعة البرغر جوسي، والجبنة سايحة، والخبزة طرية ومحمّصة، بتعرفوا إنكن قدام لقمة معمولة صح. وبدمشق صار في خيارات بتفتح النفس، من بيف برغر كلاسيكي لبرغر دجاج مقرمش، وسلايدرز صغيرة بس نكهتها كبيرة. لهيك جمعنالكم 6 محلات برغر بدمشق، كل واحد منهم عنده ستايله الخاص وأصناف بتستاهل تنضاف على قائمة تجاربكم الجاية.
1. كرنشيز
كرنشيز من الأماكن اللي بتعرف كيف تجمع بين الحجم المشبع والنكهة الغنية. عندهم بيف برغر بطعمة قوية، قطعة لحم جوسي وخبزة طرية، بالإضافة لهيرو برغر اللي مدعوم عالأخر وبطعم ولا أطيب. ومن الأصناف الملفتة كمان برغر الكوردون بلو، بصدر دجاج مقرمش مع موزاريلا، حبش، فطر فريش وصوص مشروم كريمي. يعني لقمة مليانة قرمشة، جبنة وصوص من أولها لآخرها.
العنوان: دامسكينو مول، الطابق B3
للتواصل: 0987040702
الطلب متاح عبر: Bee Order – Movo – Yalla Mart
2. ناش هيت
إذا بتحبوا برغر الدجاج الحار، ناش هيت من الأماكن اللي لازم تكون على قائمتكم. المحل متخصص بدجاج ناشفيل المقلي، بقرمشة قوية وتتبيلة حارة بتبين من أول لقمة. من أشهر أصنافهم سموكن ناش، اللي بيجمع بين الطعمة الحارة والنكهة المدخنة، بالإضافة لسلايدرز ناشفيل المقرمشة مع صوصات متنوعة. والوجبة بتكمل مع كول سلو كريمي بيوازن الحرارة وبيخلي كل لقمة أطيب.
العنوان : دمشق (مطبخ سحابي)
للتواصل: 0988441955
الطلب متاح عبر: Bee Order – Movo – Yalla Go
3. بانزو
بانزو متخصص بالسلايدرز الصغيرة اللي بتثبت إنو الحجم مو كل شي. البرغر عندهم صغيرة، بس مليانة طعمة وصوصات وإضافات بتخلي الوجبة مشبعة. فيكم تختاروا بين سلايدرز الدجاج، اللحمة أو الميكس، وكل وجبة بتجي مع قطعتين سلايدر، بطاطا وصوص بانزو الخاص. ومن النكهات اللي بتستاهل التجربة الهوني باربكيو، السموكي بيكن والريد هيت مع صوص البافلو. وعندهم كمان كواتر بوكس للمشاركة، بيجمع هالابينو بوبز، موزاريلا بايتس، تشيكن بايتس وأونيون رينغز.
العنوان : دمشق (مطبخ سحابي)
للتواصل: 0988441955
الطلب متاح عبر: Bee Order – Movo – Yalla Go
4. كي جي فود
كي جي فود من الأماكن اللي بتقدم البرغر من دون تعقيد: قطعة لحم جوسي، خبز طري، صوصات مميزة ووجبة بتشبع وبتترك طعمتها بالبال. أجواء الفود ترك بتعطي التجربة طابع شبابي وخفيف، والبرغر عندهم معمول للي بحبوا النكهة الواضحة والوجبة اللي بتخليهم يرجعوا مرة تانية.
العنوان: شرقي التجارة، السوق التجاري، جانب مدرسة الواقدي
للتواصل: 0939312486 – 4427339
الطلب متاح عبر: Yalla Mart
5. نيويوركر برغر
نيويوركر بياخدكم بأجوائه ونكهاته على ستايل برغر نيويورك. عندهم بيف برغر بقطعة لحم جوسي، جبنة سايحة وخبز طري، بالإضافة لسندويشات اللحمة الغنية مثل فيليه ستيك. ولعشاق النكهات القوية، فيكم تختاروا بين تشيلي تشيكن أو تشيلي ميت، مع مقبلات مقرمشة بتكمل الوجبة وبتخليها أدسم وأشهى.
الفروع:
المزة، أب تاون، الفود كورت
المزة، السندباد، فود كورت تاكل شي
للتواصل: 0930503111
6. تشابي كيدز دريم
تشابي كيدز دريم بيقدم برغر الدجاج واللحمة ضمن وجبات بسيطة ومرتبة، مناسبة للي بدهم أكلة سريعة بطعمة طيبة. فيكم تختاروا بين برغر الجاج المقرمش أو برغر اللحمة الكلاسيكي، مع خبزة طرية وتحضير نظيف ولقمة بتستاهل التجربة.
العنوان: قاصيون مول / مشوار
للتواصل: 0993043172
الطلب متاح عبر: Bee Order
سواء كنتوا من جماعة البيف برغر الجوسي مع جبنة زيادة، أو بتحبوا الدجاج المقرمش والحار، أو بتفضلوا السلايدرز الصغيرة لتجربوا أكتر من نكهة، هالمحلات بدمشق رح ترضيكم أكيد.
خبرونا، أنتو بتفضلوا برغر اللحمة ولا الدجاج؟ وكلاسيكي ولا محمّل صوصات وإضافات؟
الأكثر قراءة هالشهر
أمثال ما بتسمعها إلا بالشام
١٣ سبتمبر ٢٠٢٤
القاموس الشامي: مفردات ومصطلحات اللهجة شامية
٣٠ يوليو ٢٠٢٤
أفضل مراكز تعلم اللغات في دمشق
٠١ أكتوبر ٢٠٢٤
احتفل بمناسبتك بأرقى وأجمل صالات الافراح ب دمشق
١٨ سبتمبر ٢٠٢٤
أشهر محلات الحلويات بدمشق: طعمة بتخليك ترجع كل مرة!
٢٤ سبتمبر ٢٠٢٤
