وايت هيلز بدمشق: المكان يلي صار يجمع كل شي بتحبوه بطلعة وحدة 

إذا سألتوا أي حدا هالأيام عن الأماكن الجديدة بدمشق، فغالباً رح تسمعوا اسم وايت هيلز أكتر من مرة. والسبب مو لأنو مجرد مجمع مطاعم أو كافيهات جديد، بل لأنو عم يقدّم فكرة مختلفة شوي ؛ مساحة كبيرة بتجمع الأكل والمشروبات، الفعاليات، التجارب الفنية، والجلسات الحلوة بمكان واحد. الفكرة هون بسيطة: بدل ما تنتقلوا بين عدة أماكن خلال اليوم، صار فيكن تلاقوا كل شي بوجهة وحدة. قهوة الصبح، غدا مع الأصحاب، اجتماع شغل، فعالية فنية، أو حتى سهرة خفيفة بنهاية اليوم. واللافت إنو وايت هيلز لسا ببداياته، ومع هيك عم يضيف محلات ومطاعم وتجارب جديدة بشكل مستمر، ليصير من أسرع الوجهات نمواً بمنطقة الربوة ومشروع دمر.

مشوار… المكان يلي دائماً في شي جديد

مشوار هو المساحة يلي بتعطي وايت هيلز روحو الحلوة. مكان مفتوح للقعدات، الفعاليات، والتجارب الاجتماعية، وبيعطي الزوار سبب يرجعوا أكتر من مرة لأنو برنامجه ما بيوقف عند فكرة وحدة. بتلاقوا فيه ورشات فنية، أنشطة ترفيهية، وأجواء مباريات على شاشة كبيرة بقعدات مريحة ولمّة حلوة للعيلة والرفقات. يعني الطلعة هون ممكن تكون قعدة، تجربة، أو سهرة حماسية حسب اليوم والمناسبة.

وضمن مشوار في مجموعة مشاريع بتكمّل التجربة، من الأكل والقهوة للسندويشات والورشات الإبداعية، وأبرزها:

ميراكي

من التجارب المميزة يلي عم تستضيفها مشوار بشكل مستمر. ميراكي بتقدّم ورشات فنية وتجارب إبداعية متنوعة، من الرسم والتزيين للأشغال اليدوية والأنشطة التفاعلية. إذا بتحبوا تطلعوا من الروتين وتجربوا نشاط مختلف مع أصحابكن، فغالباً رح تلاقوا عند ميراكي تجربة جديدة كل فترة.

منزول

منزول مو مجرد مكان للقعدة، وإنما فضاء ثقافي وإبداعي بيجمع الفن والعمل والإنتاج الثقافي ضمن أجواء هادية ومختلفة عن كل شي عرفتوا قبل.

تي ريبابلك

لعشاق المشروبات المختلفة، تي ريبابلك جايب معه تجربة آسيوية خفيفة ومميزة. من البابل تي للحلويات الباردة، المكان مناسب لاستراحة سريعة أو جلسة خفيفة بين جولة وأخرى داخل وايت هيلز.

قهوة نظيرة خانم

إذا كنتوا من محبي القعدات الهادية والأماكن المرتبة، فقهوة نظيرة خانم من الوجهات الجديدة بالمجمع. أجواء مريحة، جلسات لطيفة، ومكان مناسب للقعدة الطويلة مع فنجان قهوة أو وجبة لذيذة.

مطبخ ومندي عماد الدين

ولمحبي الأكلات الشرقية، مطبخ ومندي عماد الدين واحد من الأسماء الموجودة ضمن وايت هيلز. من المندي للطبخات الشرقية والولائم، المكان بيقدّم خيارات مناسبة للعائلات واللمات الكبيرة.

مقصف

ومن أحدث الإضافات للمكان مقصف، المشروع يلي عم يعتمد على فكرة بسيطة ومحببة: قهوة تصحيك الصبح وسندويشات بطعم الذكريات لكن بروح جديدة. اسمه لحاله كفيل يرجعكن لأيام المدرسة والاستراحة، لكن التجربة هون بلمسة عصرية تناسب أجواء وايت هيلز الشبابية.

أبو عواسي

إذا عبالكن سندويشة دسمة ونكهة شعبية أصيلة، فأبو عواسي من الخيارات الموجودة ضمن مشوار. مكان مناسب لعشاق اللحوم والسندويشات المشبعة بعيداً عن الخيارات التقليدية.

الداغر برغر

أما إذا كنتوا من جماعة البرغر، فالداغر برغر موجود ضمن المشروع كخيار سريع ولذيذ لعشاق الوجبات الأميركية.

تشابي كيدز دريم

ومن الخيارات الموجودة أيضاً تشابي كيدز دريم، يلي بيقدّم وجبات سريعة وأجواء مناسبة للمشاوير العائلية مع الأطفال والقعدات الحلوة مع الرفقات .

ليش الكل عم يحكي عن وايت هيلز؟

لأنو ببساطة عم يجمع أكتر من تجربة بمكان واحد. مو مضطر تختار بين كافيه أو مطعم أو فعالية، لأن كل هالأشياء موجودة بنفس الوجهة. والأهم إنو المكان لسا عم يتوسع، وعم تنضم إله أسماء جديدة بشكل مستمر، وهاد الشي عم يميزو ويخليه كل فترة بشكل مختلف عن الزيارة يلي قبلها.

معلومات الزيارة

📍 آخر الربوة من جهة جسر الوزان بجانب مأكولات الشام

📍 آخر مشروع دمر بعد القوس مباشرةً مقابل مدخل التعمير القديم

📞 963988875251

حجوزات تراس مشوار

ولو ناويين تطلعوا على مشوار وما بدكن قصة انتظار ودور، صار فيكن تحجزوا طاولتكن على التراس مسبقاً عبر الواتساب، وتضمنوا قعدتكن بأريحية قبل ما توصلوا.

رقم الحجز: 963949642631

بالنهاية وايت هيلز مو مجرد مجمع مطاعم وكافيهات، بل مساحة عم تكبر يوم بعد يوم وتضيف تجارب جديدة لزوارها. فإذا بتحبوا تكتشفوا أماكن جديدة بدمشق، ممكن تكون هالوجهة من أول الخيارات يلي لازم تزوروها.

المزيد

أفضل 5 اندية بدمشق لعشاق الخيول و الفروسية

اخترنالكم 5 من أفضل أندية ومراكز الفروسية بدمشق