لأول مرة بالشام: أضخم مهرجان للمونديال وبأجواء حماسية

هالصيف، الشام على موعد مع أجواء مونديالية غير شكل. مو مجرد مباراة بتحضروها وبتخلص، ولا قعدة عادية قدام الشاشة مع الأصحاب. لأول مرة وبسوريا، رح نعيش أجواء كأس العالم 2026 بطريقة أقرب للملاعب، ضمن أضخم فان زون و مهرجان كروي وترفيهي بالشام. شاشة عرض عملاقة، جمهور كبير، هتافات، لحظات حماس، وأجواء بتخلي كل هدف كأنكم عم تعيشوه من قلب المدرجات. وكل هاد ضمن مهرجان كأس العالم دمشق 2026، اللي بيجمع المباريات، الألعاب، التحديات، الفعاليات العائلية، المطاعم، والمفاجآت اليومية بمكان واحد.

من 11 حزيران لغاية 19 تموز، رح تتحول أرض المعارض القديمة لوجهة أساسية لكل عشاق المونديال بالشام مع هالـ مهرجان، تحت رعاية المؤسسة السورية للمعارض والأسواق الدولية وتنظيم إيفينتو باي إم كي وفيجن غروب.

أجواء كأس العالم بقلب دمشق

تخيلوا الحماس لما تلعب منتخبات مثل الأرجنتين، البرازيل، فرنسا أو البرتغال… بس بدل ما تكونوا قاعدين بالبيت، بتكونوا وسط جمهور عم يشجع ويتفاعل مع كل لاعب وهدف. هون المهرجان بيحوّل متابعة المباريات لتجربة جماعية، قريبة من أجواء الملاعب والفان زون العالمية، بس بروح شامية ولمّة حلوة كلها أجواء تفاعلية. يعني سواء فريقكم عم يلعب أو لا، في دائماً سبب يخليكم تزوروا المهرجان وتعيشوا الجو.  

فعاليات للعيلة والأصحاب

المهرجان مو بس لعشاق كرة القدم. في ألعاب جديدة، تحديات ترفيهية، ومناطق مناسبة للكبار والصغار، فالمشوار بيناسب العيلة، الأصحاب، والأطفال. لهيك فيكن تروحوا قبل المباراة، تلفّوا بالمكان، تجربوا الأنشطة، وتعيشوا يوم كامل من الحماس والتسلية.

مساحة خاصة للأكشاك

وطبعاً، المونديال ما بيكمل بلا أكل ومشروبات. ضمن المهرجان رح يكون في أكشاك لـ مطاعم، كافيهات، براندات مأكولات ومشروبات، ومشاريع محلية، لحتى تكون التجربة كاملة من أول ما توصلوا لآخر دقيقة. يعني فيكم تحضروا مباراة، تاكلوا شي طيب، تشربوا قهوة أو مشروب بارد، وتكملوا السهرة بنفس المكان.

فرصة للبراندات المحلية

المهرجان كمان فرصة قوية لأصحاب المشاريع. من مطاعم وكافيهات لبراندات الأكل والمشروبات والمشاريع الشبابية، المشاركة ضمن الأكشاك بتعطي فرصة للوصول لجمهور كبير طوال فترة البطولة. مع حدث بهالحجم وحضور يومي متوقع، أي براند محلي عنده فرصة مميزة يعرّف الناس على منتجاته بأجواء مباشرة و حماسية.

معلومات المهرجان

الموقع: دمشق، أرض المعارض القديمة، مقابل فندق داما روز
الانطلاق: الخميس 11 حزيران، الساعة 6 مساءً
المدة: من 11 حزيران حتى 19 تموز
للحجز والاستفسار: 0986775777 / 0953885410 / 0989700111

التنظيم:   Evento by MK & Vision Group

باختصار

سواء كنتوا من متابعي المونديال أو حابين تعيشوا فعالية صيفية ضخمة بالشام، هالمكان رح يعطيكم تجربة فيها طاقة، حركة، ومود عالمي قريب من أجواء الفعاليات الكبيرة اللي منشوفها بالبطولات الكبرى. لهيك جهزوا قمصان منتخباتكم، لمّوا أصحابكم وعيلتكم، وخلي هالمهرجان على قائمة مشاويركم… لأن أجواء المونديال هالمرة رح تنعاش بقلب الشام، مو بس تنحضر عالشاشة.

المزيد في قسم كأس العالم 2026 على موقعنا