وين نروح
اكتشف 5 كافيهات جديدة بالشام لتجربة مختلفة ما بتنسى!
في دمشق، كل زاوية بتحكي حكاية، وكل كافيه صار يقدّم تجربة مختلفة بتجمع بين الطعم، الجو، والديكور.وإذا كنت من عشّاق الجلسات الهادية، القهوة الطيّبة، أو الحلويات الجديدة، جمعنالك هون 5 كافيهات جديدة فاتحة بالشام، لازم تجربها بهالفترة، لأن كل وحدة إلها نكهتها الخاصة!
1. كافيه بورصة
أول كافيه تركية بسوريا! كافيه بورصة بيقدّم تجربة بتجمع بين الرقي التركي والذوق الشامي. الديكورات فخمة، الأجواء مريحة، والستاف كتير رايقين. الفطور والسندويشات بيتميزوا بطراوتهم، والطعم بياخدك بجولة لأسطنبول. لهيك إذا بدك تبدأ يومك بقعدة رايقة ووجبة دافئة، فبورصة هو المكان المناسب.
الموقع: تنظيم كفرسوسة – داخل دامسكينو مول – الطابق الأرضي
رقم الهاتف: 0949385511
2. عصير تايم
واحد من أشهر محلات العصائر بالمنطقة العربية، وهلأ صار إله فرع بدمشق! عصير تايم بيقدملك عصائر طبيعية فريش، سموذي، ميلك شيك، وحتى حلويات خفيفة بنكهات عالمية. الديكور عصري، والجلسات لطيفة بتناسب الصحبة أو حتى قعدة فردية. افتتاحهم كان بداية سنة ٢٠٢٦، والأجواء عن جد منعشة بكل معنى الكلمة.
الموقع: حي المالكي – داخل أفينيو مول
متوفر على :تطبيق موفو
رقم الهاتف: 0983000559
3. ميكس شوب
كافيه ومطعم بنفس الوقت، بيجمع أكلات من حول العالم، مع مشروبات ساخنة وباردة، وحلويات منوّعة. الجلسات مريحة ومرتبة، والديكور أنيق ولطيف. سواء كنت بدك فطور خفيف، غداء، أو حتى وجبة عشاء، ميكس شوب بيكون خيارك بكل الأوقات.
المواقع:
المزة – مقابل حديقة الشرقية
الشعلان – خلف موقف نورا
أرقام الهاتف :
0116110444 / 0956611044 / 0947611044
4. موزاييك
كافيه بلمسة راقية، كل تفصيل فيه محسوب، من نكهة القهوة، لطريقة التقديم. مشروباتهم الساخنة، خاصة السحلب والقهوة بنكهات مميّزة مثل الكراميل، فيها دفء وأناقة. ميلك شيك الأوريو عندهم إلو شعبية خاصة، وكتير ناس صاروا يقصدوا المكان خص نص مشانه.
الموقع: الشعلان – مقابل دار السلام
رقم الهاتف: 0934110005
5. شام كافيه
إذا كنت من محبّي القعدة الهادية مع ناس بتحبهم، فشام كافيه رح يكون مكانك. الأجواء بسيطة بس فيها دفء وراحة، وبتحس إنك بقعدة بيتية رايقة. قهوة، نسكافيه، شي بسيط بس معمول من قلب، وهيك أماكن إلها طابع خاص ما بيتكرر.
الموقع: داريا – الدخلة المقابلة للمخفر
رقم الهاتف: 0939244846
كل واحد من هالكافيهات عنده طابع مميز، وإذا كنت من الناس يلي بتحب تكتشف الجديد، فهالمرة التجربة مضمونة.
خبرنا:
أي كافيه حابب تزوره أول؟
وشو المشروب أو الوجبة يلي بتدور عليها بأول زيارة؟
الأكثر قراءة هالشهر
أمثال ما بتسمعها إلا بالشام
١٣ سبتمبر ٢٠٢٤
القاموس الشامي: مفردات ومصطلحات اللهجة شامية
٣٠ يوليو ٢٠٢٤
أفضل مراكز تعلم اللغات في دمشق
٠١ أكتوبر ٢٠٢٤
احتفل بمناسبتك بأرقى وأجمل صالات الافراح ب دمشق
١٨ سبتمبر ٢٠٢٤
أشهر محلات الحلويات بدمشق: طعمة بتخليك ترجع كل مرة!
٢٤ سبتمبر ٢٠٢٤
