أول مطعم صحي متكامل بالشام مع نظام اشتراك مريح ولذيذ!

مين قال إنو الأكل الصحي لازم يكون ممل؟ ومين قال إنو إذا قررت تعيش بصحة لازم تتنازل عن النكهة؟ مع افتتاح أول فرع لسلسلة بي هيلثي بدمشق بعد ما لمعت بالإمارات صار عنا مطعم بيجمع الطعمة، التنوع، والنظام الغذائي المتوازن والـ صحي … يعني صحة بدون حرمان وطعمة بدون نقصان. ديكور راقي، ألوان ناعمة، أناقة بتشجعك تاكل ونفسيتك مرتاحة بنفس الوقت.

فطور بيرافق يومك من أوله

سواء عم تعمل دايت، أو ماشي على برنامج رياضي، أو بس بدك بداية يوم صحي… الفطور هون بينعمل ليعطيك طاقة ونشاط بدون تأنيب ضمير. فلافل صحية بطعمها المقرمش، أومليت بأنواعه، سندويشات لذيذة، وإذا نفسك ع شي حلو جرب بانكيك بطاطا حلوة أو موز، وشوفان بودينغ بنكهة التفاح والقرفة…وجبات بتعطيك مزاج حلو، وبتخليك تكمّل نهارك وضميرك مرتاح.

الغدا والعشا… أكل محسوب السعرات بطعم متكامل

وقت الغدا أو العشا، بي هيلثي بيقدملك أطباق متكاملة، ما بتحسها دايت، بتحسها أكل بيت معمول بحب. جرب الستيك مع البروكلي و الرز الأصفر، أو الشيش طاووق مع رز أبيض، أو حتى دراغون تشيكن مع رز بالخضار. وإذا بتفضل البحريات جرب: الروبيان أو سالمون أتلانتيك مع الخضار أو سمك مشوي مع بطاطا حلوة، بيخلّوا الوجبة خفيفة مليانة بروتين ومشبعة. أما إذا بتحب البيتزا أو الباستا، رح تتفاجأ بطعمة الفيتوتشيني بيستو أو سباغيتي بولونيز، و بيتزا الروبيان المعمولين بطريقة مشهية مع صلصات خفيفة بس بنكهة ولا أطيب .هون فعلاً بتاكل اللي عبالك… وبنفس الوقت بتضل ضمن أهدافك الغذائية.

ساندويش بيناسب الشغل والجامعة والدوام

لأيام السرعة، الساندويشات حلّ مثالي: دجاج، لحم، روبيان… خيارات بتشبع، وبتخليك تاكل وجبة كاملة من دون ما تكسر نظامك الغذائي . كل ساندويش معمول بتوازن بين البروتين والكارب والخضار، لتشبّع بدون ما تطلع برا خطتك الصحية. ومناسبة كتير بعد التمرين أو بالدوام الطويل.

سناك وحلو… خفيف بس مفيد

خلال اليوم، لما تحس خفت طاقتك وعبالك شي حلو، بي هيلثي بيقدملك خيارات ذكية بتخليك “تدلّل حالك” بدون ما تكمّل اليوم بتأنيب الضمير: جرب سلطة الفواكه، كرات الطاقة باللوز أو التمر، كوكيز، تشيزكيك، شوفان أو شيا بودنغ المنعشة …كل قطعة معمولة لتساعدك تكمل يومك بطاقة عالية بدون ما تخرب الدايت.

المشروبات… طاقة على مزاجك

إذا عبالك شي منعش أو مغذّي جرب هالأصناف: سموذي طبيعي، عصائر فريش، مشروبات بروتين، ديتوكس…كل مشروب عند بي هيلثي بينعشك وبيعطيك دعم حقيقي، بدون إضافات مصنّعة. مشروبات بتناسب تمرين، دوام، أو حتى قعدة بمكان هادي.

للأطفال… وجبة صحية ولعبة بتفرّحهم

“هابي ميل” من بي هيلثي فكرة كتير لطيفة: وجبة صحية محسوبة السعرات جاهزة للأطفال، بنكهة بيحبوها، ومع كل وجبة لعبة هدية. هيك بعيش الطفل تجربة لذيذة… وبيعرف إنو الأكل الصحي ممتع مو مملّ.

ولمرضى السكري… أكل آمن ولذيذ

قسم خاص معمول لاحتياجات مرضى السكري، بوصفات مدروسة ودقيقة. مكوّنات معتدلة ونِسَب محسوبة… ليبقى الأكل جزء من متعة اليوم مو من الخوف.

اشتراكات للدايت والرياضة… جاهزة على باب بيتك

زهقت من التفكير شو بدك تاكل اليوم؟ اشترك بنظام غذائي كامل يومي أو شهري من 1200 لـ 3000 كالوري، بحسب هدفك. الوجبات بتوصلك فريش، نظيفة، ومحضّرة بمحبة ودقة بتريّحك من التفكير بالسعرات… وبتخليك تلتزم بطريقة سهلة ولذيذة.

الموقع والتوصيل

المالكي – جانب حديقة تشرين – جنب جيم ستون
للحجز أو الاستفسار: 0117055 – 0934611118 – 0938002913
التوصيل متوفر عبر: BeeOrder و Movo

ليش لازم تجرب بي هيلثي؟

لأنو كلنا، بيوم من الأيام، منحتاج نرجع نرتّب أولوياتنا… نختار صحتنا، ونحب حالنا شوي أكتر. بي هيلثي هو مطعم صحي بسهّل عليك هالخطوة. بتاكل أكل طيّب، فريش، ومتوازن… بدون ما تحس إنك عم تحرم حالك، أو إنك ماشي على نظام صعب. هو خيار بسيط، مريح، وبيخليك تلتزم لأنك عنجد حابب هالخطوة ومرتاح فيها. جربه، وشوف كيف ممكن الأكل الصحي يكون فعلاً أقرب لنمط حياة… مو بس مرحلة مؤقتة.

المزيد في قسم صحة على موقعنا!