شاورما بانيه وسبيسيال وبأشكال ولا عالبال: وين تجربوها بالشام؟

إذا كنت من عشاق الـ شاورما وبتحب التجديد، فـ بالشام بتلاقي أفكار جديدة بتاخد الشاورما لمستوى تاني. بانيه، اسكندر، برغر شاورما، دونر، صوصات وجبنة وبطاطا… نكهات بتفتح النفس وأشكال ما كانت عالبال. جمعنالك هون أماكن معروفة بالشام بتقدم الشاورما بطريقة مختلفة وبتستاهل التجربة:

1. وايت تشيكن

وايت تشيكن معروف بإنه ملك البروستد، بس شاورمته كمان إلها بصمة خاصة. من أشهر الأصناف الجديدة عندهم شاورما المارينا مع الجبنة والصوص والبطاطا، طعم غني ومليان دلال. عندهم شاورما ساندويش، فرط، وعربي، وكلها متقنة ومنغنغة على اصولها. خيار ممتاز للي بدهم شاورما دسمة وسبيسيال بطعم واضح.

  العنوان: جسر فكتوريا مقابل فندق سمير أميس
 التواصل: 0119683 – 2215666 – 2210088 – 0944051094

2. شكرجي

شكرجي لعبها صح ودمج الشاورما مع البرغر. برغر شاورما اللحم عندهم تجربة صعب توقف عند لقمة وحدة. وكمان شاورما اسكندر أو الدونر عندهم كل شي إلو طعم خاص، غني وبيشبع، ومناسب للي بيحبوا الشاورما بأسلوب مختلف وسريع ومليان نكهة.

العنوان: دامسكينوا مول – بيغ 5 – مشروع دمر

3. دجاجتي

إذا بدك شاورما سبيسيال بطعم ثابت وين ما رحت، دجاجتي خيار مضمون. الشاورما عندهم متبّلة بطريقة مميزة، وطعمها بيخليك ترجع تطلبها مرة ومرتين. انتشار الفروع بدمشق بيسهل الوصول، والمنيو مناسب لكل الأذواق.

العنوان: المعضمية – قاسيون مول – برزة – المزة – المرجة – ابو رمانة – مشروع دمر

خدمة الزبائن دمشق: 8003 – 9091

موبايل: 0987077445 – 0987077444 – 0987744440

4. تشيك بيك

تشيك بيك مشهور بشاورما بكل أنواعها بس الأجدد البانيه. قطعة دجاج مقرمشة من برا، طرية من جوا، ومليانة دلال. الطعم واضح، والطبق مشبع، ومحبوب عند عشاق البانيه يلي بدهم شاورما غير تقليدية.

  العنوان: دمشق – الصالحية – شهداء مقابل مخفر عرنوس
 التواصل: 0114444033 – 0114418956

بالنهاية إذا بتحب التجديد، هالأماكن بتعطيك تجربة شاورما مختلفة، وكل واحد عندو أصناف مميزة لازم تجربها لتعرف لذتها.

المزيد

 5 كافيهات لطلعة رايقة بتغير المزاج!

بهالمقال رح نمرّ على خمس كافيهات بريف دمشق تميزوا بطابعهم الخاص، وكل واحد منهم عنده جو مختلف ممكن تروّق فيه على طريقتك: