وين بتلاقوا أفخم خيمة رمضانية وأحلى أجواء روحانية بمطاعم دمشق؟

رمضان بالشام ما بيكمل بدون خيمة رمضانية تعيشك أجواء الزمن الجميل، من مولوية وحكواتي، لعروض فنية ومسابقات وجوائز وسهرات ما بتنسى. وإذا كنت عم تدور على أفخم خيمة رمضانية في دمشق تجمع بين الفخامة، الروحانية، والتنظيم العالي، جمعنالك أبرز وأفخم الخيم الرمضانية بدمشق لتختار الأنسب لسهرتك:

1. خيمة ليالي شامية

أفخم وأضخم خيمة رمضانية في سوريا ، وتجربة فاخرة بكل تفاصيلها. إفطار بوفيه مفتوح بإشراف الشيف العالمي فايز بيرقدار، إنشاد ديني ورفع الأذان من قلب الخيمة، سحور بوفيه متكامل مع تخت شرقي وعروض فلكلورية.

مولوية، حكواتي، تنورة مصرية، موشحات أندلسية، مسابقات وجوائز يومية، وسحب على سيارة في ختام الشهر. أجواء فخمة وبرنامج متجدد وحضور نوعي يجمع نخبة المجتمع والإعلام.

الموقع: فندق الداما روز – دمشق
للحجز والاستفسار: 00963950005615 – 00963950005614

2. خيمة ون مليون

خيمة ون مليون الرمضانية عم تقدم أجواء استثنائية بطابع فاخر وتنظيم يفوق التوقعات. أطباق شامية متنوعة وشهية، فعاليات يومية مشوقة، مسابقات حماسية، جوائز قيمة، وحضور مميز لنخبة من نجوم الدراما السورية. أجواء حماسية مليانة ترفيه ومفاجآت، مع فقرات مولوية وبرامج فنية بتخلي السهرة حلوة لآخر لحظة.

المكان مناسب للي بدهم سهرة رمضانية فيها حركة ومتعة وربح بنفس الوقت.

الموقع: أوتوستراد المزة – نزلة جامع الأكرم – دمشق
للحجز والاستفسار: 0941121841 – 0116113500 – 0116130555 – 0116120033

3. خيمة غاردينيا

خيمة غاردينيا بتجمع بين الأجواء العائلية والبرامج الترفيهية اليومية. إفطار غني ومتنوع، تسالي رمضان، حكواتي، مولوية، مسحراتي، مسابقات وهدايا، وكل يوم في أجواء جديدة بتخلي القعدة مختلفة.

الموقع: كفرسوسة – داماسكينو مول – الطابق الأول
للحجز والاستفسار: 0937257096 – 0994918935

4. خيمة ألف ليلة وليلة

رمضان هالسنة عند مطعم بيتزاريا غير شكل. خيمة ألف ليلة وليلة جايبة أجواء ساحرة بتفاصيل فاخرة وتصميم مميز بيخليك تحس حالك داخل عالم رمضاني متكامل. ديكور ينبض بروح الشهر، عروض مميزة، وقائمة طعام استثنائية بتجمع بين النكهات الأصيلة ولمسة عصرية راقية. سواء إفطار أو سحور، التجربة هون معمولة لتكون ذكرى ما بتنتسى.

الموقع: فندق الشيراتون – دمشق
للحجز والاستفسار: 0112110001 – 0112110002 – 0968999412

5. خيمة سنديان

أصل الإفطار بشهر رمضان خيمة سنديان. أجواء شامية أصيلة بأشهى الأطباق الشرقية، مع مولوية وبرامج فنية ولمّة حبايب وأصحاب. من الإفطار للسحور، التجربة متكاملة بطابع تراثي واضح، ومع فقرات ترفيهية وحضور نجوم من الدراما السورية بيضيفوا روح خاصة للسهرة.

الموقع: باب شرقي – دمشق
للحجز والاستفسار: 0981334444 – 0115435767

6. خيمة فيتارو

رمضان هالسنة عند فيتارو متل زمان. خيمة رمضانية بأجواء تقليدية دافئة، حكواتي بيرجعنا لأيام الشام القديمة، وتسالي وهدايا بتضيف جو لطيف للسهرة. مناسب للي بحبوا القعدة التراثية الهادية بطابع رمضاني أصيل.

الموقع: دمشق – اوتستراد المزة – سهارى سابقا
للحجز والاستفسار: 0997554455

سواء كنت عم تبحث عن أفخم خيمة رمضانية في دمشق بطابع فاخر، أو أجواء روحانية أصيلة مع مولوية وحكواتي، هالخيارات بتقدملك تجارب متنوعة بتناسب كل الأذواق.

خبرونا… أي خيمة ناويين تعيشوا فيها ليالي رمضان هالسنة؟

المزيد:

أطيب معروك بالشام بتلاقوه بهالأماكن الراقية والمميزة

جمعنالك قائمة من أشهر وأرقى الأماكن يلي عم تقدّم معروك بنكهات مميزة وجودة عالية بتليق بأجواء رمضان: