5 مطاعم لـ إفطار رمضاني شهي وأجواء روحانية مابتتفوت بالشام

رمضان بالشام ما إلو شبيه بأي مكان تاني، ووقت الـ إفطار بيصير لحظة منتظرة بكل تفاصيلها. بس يقرّب أذان المغرب، بتبلّش المطاعم تتحضّر لتستقبل ضيوفها، والسفر بتكون عامرة بأشهى الأطباق الشامية يلي بتكمل أجواء الشهر الكريم. فإذا كنت عم تبحث على مطاعم بتقدم إفطار رمضاني مميز بدمشق، سواء إفطار بجلسة تراثية بقلب الشام القديمة، أو بمكان راقي لعزيمة مرتبة، فهالمقالة دليلك لتتعرف على أفضل الخيارات وتختار المكان يلي بيليق بجمعتك الرمضانية:

1. مطعم برلنت

مطعم برلنت بيقدم إفطار رمضاني غني ضمن أجواء هادئة وروحانية بتناسب العائلات. السفرة بتضم أطباق رئيسية شامية، مقبلات، شوربات ومشروبات رمضانية تقليدية، مع تنظيم مرتب وخدمة مريحة. إذا كنت قريب من المزة وبدك مكان رائع ومميز لإفطار رمضان، برلنت خيار عملي ومناسب كتير.

العنوان: دمشق – أوتوستراد المزة – جانب وزارة الإعلام
الهاتف:
0116662406
0116662409
0116662410

2. بيت جبري

بيت جبري من أشهر مطاعم دمشق القديمة، وتجربة الإفطار فيه بتجمع بين الفخامة وأصالة الحارة الدمشقية. أول ما يأذن المغرب، السفرة بتكون عامرة بشوربات دافئة، مقبلات شامية على أصولها، وأطباق رئيسية بنكهات الشام الغنية. الحلويات بتجي مسك الختام، وبتكمل بسهرة رمضانية راقية. الجلوس بين جدران الحجر القديم، وتحت سما دمشق، بيعطي إحساس بالسكينة والحنين. المكان مثالي لعزيمة رمضانية راقية أو لمّة عائلية مميزة ضمن أجواء تراثية فاخرة.

العنوان: زقاق الصواف، باب توما – خلف قصر العظم – بالقرب من مكتب عنبر
للحجز والاستفسار:
0955443200
0115443200

3. قصر السلطان

للي بيفضّلوا الأماكن الواسعة والأجواء المنظمة، قصر السلطان خيار مناسب ضمن قائمة أفضل مطاعم إفطار رمضان في دمشق. السفرة متنوعة وغنية، والخدمة احترافية، والمكان مناسب للعزايم الكبيرة والجمعات العائلية الحلوة. الأجواء أنيقة، مع اهتمام واضح بالتفاصيل، لتعيش إفطار مريح ومنظم مع أكل ولا أطيب.

العنوان: دمشق – نيو قاسيون مول
الهاتف:
0994088298
011.5130566
011.5130577

4. مطعم موناليزا

إذا بدك بوفيه أو إفطار رمضاني في دمشق بأجواء حيوية ومكان واسع وببيت عربي رائع، مطعم موناليزا بقلب باب توما خيار مناسب جداً. البوفيه المفتوح بيضم تشكيلة أطباق متنوعة بترضي مختلف الأذواق، مع تنظيم مرتب وخدمة سريعة. الأجواء دافئة ومريحة، وبتخليك تطول الجلسة بعد الفطور وتستمتع بأمسية رمضانية متكاملة. مناسب للعائلات والمجموعات الكبيرة يلي بدها تجمع بين التنوع والقعدة الحلوة بنفس الوقت.

العنوان: باب توما – القشلة – دخلة العازرية – جانب مدرسة المنصور
للحجز والاستفسار:
0955449907
9296

5. مطعم نارنج

مطعم نارنج بيستقبلك بأجواء بتحسسك إنك داخل على بيت دمشقي أصيل مو مجرد مطعم. المكان بطراز عربي تقليدي، تفاصيله مدروسة بعناية، وإضاءته الدافئة مع الجلسة الهادية بتخلق حالة سكينة بتليق بروح رمضان. وقت الإفطار، السفرة بتكون عامرة بأطباق شامية على الأصول، نكهات غنية وقريبة من طعم البيت، وكل طبق فيه لمسة أصالة واضحة بتحكي عن تراث المدينة وعراقتها. القعدة هون راقية ومرتبة، هدوء مريح ولمة حلوة بتخليك تستمتع بكل لحظة، ومناسب جداً للعائلات أو لجمعات الأصحاب يلي بدها سهرة رمضانية مختلفة.

العنوان: دمشق القديمة
الهاتف:
0115413444
0115416444

ليش تختار إفطار رمضاني بمطاعم دمشق؟

لأنو مطاعم إفطار رمضان بالشام ما بتقدم أكل وبس، هي بتقدم تجربة كاملة: أجواء روحانية، لمّة حلوة، تنظيم مريح، وطابع دمشقي أصيل.

سواء كنت عم تدور على إفطار رمضاني فاخر، بوفيه مفتوح، أو جلسة تراثية بقلب دمشق القديمة، الخيارات قدامك متنوعة، وكلها بتخليك تعيش رمضان بطريقة مختلفة وراقية.

وهلأ خبرونا وين ناويين تكون عزيمتكم الجاية؟

المزيد:

أشهر محلات الحلويات بدمشق: طعمة بتخليك ترجع كل مرة!

هون قائمة بأهم محلات الحلويات بدمشق يلي بتقدم أشهى الأصناف: