4 مطاعم بتفوز بأحلى قعدة شتوية بالشام

الشتوية بالشام إلها طعم خاص… جلسات دافية بتجمع الأصحاب و العيلة حوالين طاولة مليانة حب وذوق، مع صوت المطر برا والدفا جوّا. لهيك إذا عم تدور على مكان تقعد فيه وتستمتع بأكل بيشهي وجو بيدفي القلب، جمعنالك 4 مطاعم رح تعطيك التجربة الكاملة والأجواء الساحرة اللي بتفوز بأحلى قعدة شتوية بالشام :

1. مطعم المالكي

مطعم بيجمع بين الهدوء والأناقة، بأجواء بتخليك تحس إنك بمكان بيحترم التفاصيل. واجهته الزجاجية بتعطيك مشهد المطر بكل جماله، والمكان من جوّا دافي، مرتب، ومليان طاقة حلوة. كل شي فيه معمول بذوق: من ترتيب الطاولات، لطريقة التقديم، ولتناغم النكهات يلي بتخلي الجلسة تجربة كاملة. هون بتعيش دفى الشتاء بأجواء راقية وهادية، بتناسب العيلة أو جلسة مع أصدقاء بتحبهن.

المالكي – دمشق
0982910001

2. مطعم سيلينا

بيت دمشقي قديم مليان روح دافية، بنوافذ عالية وسقف شفاف بيخلي المطر جزء من المشهد. كل زاوية بالمكان بتحكي عن أصالة دمشق، وكل جلسة فيه بتجمع بين الراحة والحنين.
النهار عند سيلينا بيبدأ بفطور شامي بيشبه البيوت القديمة، والمساء بيتحوّل لسهرة دافئة بأجواء طربية وأضواء خافتة. سيلينا هو المكان يلي بتعيش فيه فصل الشتاء الدمشقي بكل سحره: دفا، طرب، ولمّة ما إلها مثيل.

باب توما – ساحة الدوامنة – دمشق
0944717882

3. مطعم بي دور

إذا كنت من محبّي الأناقة الهادية، فـ بي دور هو المكان يلي بيلبّي هالإحساس. تصميمه العصري وألوانه الدافئة بيخلّوك تحس بالراحة من أول لحظة، والنكهات عندهم بتجمع بين الإتقان والبساطة.
القعدة هون فيها سكون راقٍ، بتخليك تستمتع بالأكل وبالجو بنفس الوقت. سواء كنت لحالك بدقايق من الهدوء أو مع الأصدقاء بجلسة رواء، المكان بيقدّم تجربة شتوية فيها توازن بين دفا الأجواء وألذ الأطباق.

أبو رمانة – ساحة المطاعم – دمشق

963 993600700

4. مطعم فيرساي

الأنس، الرقي، والدفا… ثلاث كلمات بتوصف القعدة الـ شتوية بڤيرساي بالشام. المكان متكامل بكل تفاصيله، من الإضاءة الخافتة، لترتيب الطاولات، للموسيقى الهادية يلي بترافق الجلسة. هون كل شي معمول بإتقان: النكهات، الأجواء، وحتى طريقة التقديم. القعدة فيه مناسبة لغداء راقٍ أو عشاء طويل بيجمع الأحبة، والأهم إنك بتحس دايمًا إن اللحظة مليانة فرح ودفا.

أبو رمانة – شارع الكرامة – حديقة الجاحظ – دمشق
0960606860

دمشق بالشتوية بتلبس حلة ما بتتكرر… شوارعها هادية، مقاهيها عامرة، ومطاعمها بتحوّل البرد لدفا والنكهة لذكرى.
وهدول الأربع مطاعم هنّ الوجهات يلي بتخلّي الشتاء تجربة دافية، راقية، ومليانة حب. قعدة وحدة فيهن كفيلة تخليك تحب المطر أكتر، وتحب الشام أكتر.

المزيد:

أكبر منتزه و أجمل مدينة ألعاب و إنترنت 5G وين بالشام؟

إذا عم تفكر كيف ممكن تقضي نهارك برا البيت، بعيد عن زحمة المدينة، وبمكان بيلم العيلة والرفقات وبيجمع المتعة مع الراحة؟ منتزه في ومي بالشام هو الجواب يلي بدك ياه!