لكل عشاق المدلوقة: جربوا هالحلو الشامي بهالـ 5 أماكن بدمشق!

المدلوقة مو مجرد حلو… هي واحدة من أشهر أيقونات المطبخ الشامي. طبقات السميد الطرية، القشطة الفريش، ورشة الفستق الحلبي يلي بتكمّل الصورة، بتخلي كل لقمة غنية بالتراث وبالنكهة الأصيلة. وإذا كنت من عشاق المدلوقة، فـ بدمشق أسماء صارت عنوان لهالحلو الشامي على أصوله.

1. حلويات الفيصل

من 1932 والفيصل اسم حاضر بعالم الحلويات الدمشقية. المدلوقة عندن فيها قشطة فاخرة وطعمة متوازنة، معمولة بنفس تقاليدنا الدمشقية المتوارثة. المنيو غني بالحلو الشرقي على أنواعه وبالمأكولات الدمشقية الأصيلة.
المزة
0116624602

2. حلويات الوسام

الوسام معروف بجودة القشطة والاهتمام بالتفاصيل. المدلوقة عندن شكلها أنيق وطعمتها متوازنة، وكل قطعة معمولة لتكون ضيافة تليق بالمناسبات. غير المدلوقة، المنيو غني بالكنافة والمعمول والغريبة وجميع أنواع الحلويات الشرقية.
العباسيين – جانب كازية ديوانه (القبو)
 0114452926
ساحة المحافظة – جانب صيدلية السفراء
 0112315994

3. ديوان المهنا

من الأسماء الكبيرة يلي بتركز على الطعم الأصيل والتقديم الراقي. المدلوقة بالقشطة عندن بتجي غنية ومليانة فستق حلبي، وممكن تطلبوها كطابات خاصة للضيافة. غير المدلوقة، عندن حلو عربي مشكّل بأجمل صورة و أطيب طعم.
مزة: 0991155161 – مالكي: 0991155154 – غساني: 0981114000 – دمر: 0991155164

4. حلويات نبيل نفيسة

من سنة 1957 ونبيل نفيسة بيقدملنا الحلو الدمشقي الفاخر. المدلوقة عندن بتتميز بالقشطة الفريش وطريقة التقديم الراقية.وفي عندن تشكيلة كاملة من الحلويات الشرقية يلي صارت بصمة بالمناسبات الشامية.

فروع في جميع أنحاء سوريا: 963114444446

5. حلويات مراد

تأسس سنة 1967 ولسا محافظ على سمعته. المدلوقة عندن ناعمة وغنية بالفستق الحلبي، بطعمة بتذكرك بالشام القديمة. وفي عندن تشكيلة واسعة من الحلويات الشرقية الكلاسيكية.
صالحية – دمشق
0112323284 – 0933214989

المدلوقة الشامية بدمشق إلها أسرارها… والقشطة والفستق بيكملوا الحكاية. الوسام، ديوان المهنا، الفيصل، نبيل نفيسة، ومراد… كل واحد عندو بصمتو الخاصة، بس القاسم المشترك بينهم هو الجودة، الاهتمام بالتفاصيل، وحب الشام يلي مبين بكل قطعة.

اقرأ المزيد:

أشهر محلات الحلويات بدمشق: طعمة بتخليك ترجع كل مرة!

الحلويات الدمشقية معروفة من زمان، وطعمتها بضل ببال كل حدا بيدوقها. بمكوناتها الغنية من الفستق الحلبي اللوز او الجوز مع السمن البلدي، كل نوع من هالحلويات بيحكي قصة. هون قائمة بأهم محلات الحلويات بدمشق يلي بتقدم أشهى الأصناف: