وين نروح
4 كافيهات بالشام بتتميز بلمسة أوروبية بنكهة شرقية
أحياناً، كل اللي منحتاجه هو فنجان قهوة، زاوية هادية، وأجواء بتشبه مدن الحب والفن… باريس، روما، أو حتى لندن. بالشام، صار في أماكن بتحاكي هالروح، كافيهات بتجمع بين الذوق الرفيع، الدفء، والخدمة الأنيقة بلمسة أوروبية. هون، اخترنالك أربع وجهات ما بينتسوا، كل وحدة فيهن إلها طابعها الخاص… بس بيجمعن الإحساس بالجمال، والرغبة بأنك تطول القعدة.
1. كافيه دي فلور
كأنك بقلب شارع صغير بباريس… تفاصيل أنيقة، إضاءة ناعمة، وفطور بيشبه صباحات الفرنسيين. كروسان مخبوز كل يوم، قهوة محضّرة بإتقان، وأطباق فيها لمسة حب. كل زاوية بالمكان مصممة لتكون ملاذ، وكل زيارة بتخليك تشتاق للي بعدها.
للباحثين عن الهدوء بنكهة باريسية فخمة، دي فلور هو العنوان.
📞 0960099904 / 0119007
2. بلاك بوتيك كافيه
إذا كانت الأناقة الهادية إلها نكهة، فهالنكهة بتكون بـ بلاك. من أول فنجان قهوة للأطباق المدروسة بتفاصيلها، كل شي هون معمول بذوق رفيع. من فطورغني وفاخر، لوجبات الغدا والعشا من أطباق عالمية بلمسة خاصة ومميزة، تجربة بتضل بالبال وعالبال.
📞 0997113114
3. ترف كافيه
اسم على مسمى… من أول ما توصل، بتحس إنك بمكان صُمم ليناسب الذوق الهادي والراقي. تراس رائع، صالة داخلية أنيقة، وأصناف غربية ومشروبات لذيذة محضرة بحب. ترف هي مكانك المثالي لتقعد مع رفقاتك، تحكوا، تضحكوا، أو حتى تسهروا وتنبسطوا بأجواء مثالية.
📞 0992025025 / 0992026026
4. كاسبر آند غامبينيز
إذا بدك تدمج بين الأناقة، الرقي، والمذاق العالمي، فكاسبر هو المكان. كل شي هون بيحكي عن الذوق، من ديكور المحل، لنوعية الأكل، لطريقة التقديم. قعدة راقية بتخليك تحس إنك عم تعيش لحظة سعادة بعيدة عن كل شي. سواء جاية تفطر، تتغدى، أو تاخد وقتك بعشا خفيف، الأطباق محضرة لتترك أثر. كاسبر مو بس مطعم، هو تجربة بتحب ترجع تعيشها كل مرة.
📞 0111234567
كل وحدة من هالـ كافيهات بلمسة أوروبية بالشام، هي محطة هدوء وسط زحمة الأيام. زور أي وحدة، وخلي القعدة تكون حلوة بطعمها، راقية بجوها، وقريبة من قلبك… متل دمشق تماماً.
الأكثر قراءة هالشهر
أمثال ما بتسمعها إلا بالشام
١٣ سبتمبر ٢٠٢٤
القاموس الشامي: مفردات ومصطلحات اللهجة شامية
٣٠ يوليو ٢٠٢٤
أفضل مراكز تعلم اللغات في دمشق
٠١ أكتوبر ٢٠٢٤
احتفل بمناسبتك بأرقى وأجمل صالات الافراح ب دمشق
١٨ سبتمبر ٢٠٢٤
أشهر محلات الحلويات بدمشق: طعمة بتخليك ترجع كل مرة!
٢٤ سبتمبر ٢٠٢٤
