مطعم وشلالات بإطلالة ريفية ساحرة بالربوة!

أحياناً بتكون محتاج تهرب من زحمة الشام وضجتها، وتدور على مكان يردلك الروح … بهاللحظة بيجي مكان واحد عالبال: بالربوة، وضمن طبيعة بتفتح النفس، بيستقبلك مطعم وشلالات أبو شفيق، بمكان جمع بين الراحة، والمنظر الحلو، والطعم الأصيل.

هون، القعدة مو بس أكل… هي استراحة روح ولمة ناس طيبة، وأكلات بترجعك لأيام زمان.

قعدة بتشرح الصدر… وطاولة بتجمع الكل

من أول ما توصل ع المكان، بتحس بالجو الريفي الأنيق. تراس واسع، مطلّ ع شلالات وجبال وخضار، بيمتد قدامك متل لوحة فنية. وإذا معك ولاد، في صالة ألعاب حديثة مجهزة بالكامل، بتخلي الصغار يفرحوا ويلعبوا، وإنت بتكون مرتاح ومبسوط. يعني التجربة هون مصممة لكل الأعمار، لكل المناسبات، ولكل المزاجات. والجو العام بيدل على إنه الأكل هو جزء من تجربة كاملة، فيها راحة، أجواء حلوة للكل، وضحكة ولاد عم يلعبوا حواليك.

نكهة المطبخ الشامي… ع أصوله

المنيو بيجنن، وكل طبق فيه بينقال عنو: “روعة من الآخر”. من الكبة اللبنية مع الرز المفلفل، للفتوش يلي بيقرمش مع كل لقمة، والتبولة الفريش برشة الليمون المنعشة، للمشاوي بأنواعها، والمتبلات، والمقالي، وأكلات اللبن، والفريكة وللي بحب التنويع، المنيو فيه كمان أطباق غربية معمولين بإتقان، ليكون الكل راضي ومبسوط.

والمميز إنو كل شي بينطبخ يومياً، فريش، وبحب، يعني لقمة ولا أطيب.

أبو شفيق… مو بس مطعم، لمة شامية

أبو شفيق قدر يكون أكتر من مطعم… صار مقصد دائم للعيلة والصحبة، وخاصة نهار الجمعة.

ريحة الأكل بتسبقك ع الطاولة، وتنوع الأطباق بيخلي الكل مبسوط، ومو غريب إنو صار المطعم مقصَد للعيلة، والضيوف، والصحبة، وخاصة بنهار الجمعة. لأنو الجمعة ما بتكمل بدون هاللمة الحلوة، وهاللقمة يلي فيها طعمة زمان، وجمال الشام.

تعالوا ارتاحوا… وتمتّعوا بلقمة غير شكل

مهما كان مزاجك، أو المناسبة، مطعم أبو شفيق بالربوة هو الخيار يلي بيريح بالك، وبطعميك لقمة من القلب. قعدة رايقة، طبيعة خلابة، أجواء شامية، أسعار مناسبة ونكهات بتتغلغل بذكرياتك. سواء كنت مع أهلك، أصحابك، أو حتى ضيوف جايين من برا الشام، المكان رح يترك عندكم ذكرى حلوة ونكهة ما بتنسى.

موقع: دمشق – طريق الربوة
للتواصل والحجز:
0993344903 – 0113742006

انبسطت بهالمقال عن مطعم أبو شفيق بالربوة؟ تأكد تزور قسم #وين نروح على موقعنا لتشوف المزيد!