بيدا على شكل قارب وبنكهات ولا أطيب: وين بالشام؟

بـ قلب المالكي بالشام، وتحديداً بـ R House Café، في محل اسمو “بيدا بوت“، عم يغيّر مفاهيمنا عن الفطور، والغدا، وحتى العشا! بيقدملنا البيدا التركية هالعجينة الرقيقة، المحمصة عالأطراف، والمحمّلة بالحشوات الغنية متل الجبنة، السجق، الدجاج، اللحمة، وحتى الزعتر واللبنة… شكلها لحالو بيشهي، وطعمتها؟ عن جد بتاخد العقل، وبشكل قارب بيشدك من أول نظرة.

كل صنف عندن إلو نكهتو الخاصة، من البيدا بالسجق والقشقوان يلي بتدوب بالقلب، لـ بيدا الشيش طاووق يلي بتفوت عالم المنافسة بدون استئذان.

وإذا بتحب الفيتا؟ رح تلاقيها ببيدا ولا أطيب، واذا نفسك بـ المحمرة أو أربع أجبان أو حتى فطر وجبنة، الخيارات قد ما بدك.

والأحلى؟ صار فيك تطلب كل صنف كـ ساندويش ! يعني البيدا صارت تاخد شكل جديد، بس الطعمة؟ بعدها بتجنّن متل العادة.

وإذا عم تسأل عن شي مختلف، جربوا بيدا البطاطا الحرة! تجربة نار و دمار، والطعمة ادمان!

من البيدا المالحة بكل نكهة مميزة، لـ بيدا الحلويات متل التماري، بيدا لوتس و نوتيلا أو شوكولا دبي… نكهات غرام ومستحيل تقدر تقاومها.

ولا تنسى تجرب الكعكة المخبوزة بريحة الأيام الحلوة، بتاخدك رحلة للزمن الجميل و رح تفاجئك بطراوتها ولذتها.

القعدة هون رايقة، الأجواء دافية، وكل لقمة فيها حكاية.

العنوان: دمشق، المالكي – R House Café
هاتف : 0113741424

مر عـ بيدا بوت بالشام، وخلي البيدا تكون أطيب قرار بهاليوم. لقمة وحدة… وبتصير من زبائنهم الدائمين!

تأكد تزور قسم #كول-وشكور على موقعنا لتشوف المزيد!