خطة لأحلى مشوار بعد الامتحانات الرسمية في دمشق!

خلصت امتحاناتك؟ مبروك وبتستاهل تكافئ حالك، وتهرب من تعب السهر والدراسة بمشوار يرد الروح. سواء كنت حابب مشوار حلو، أكل طيب، بوظة باردة، قعدة رايقة، أو ضحك بالملاهي… في شي لكل مود، وكل رفقة. جرب هالخمس أفكار لـ مشوار بعد الامتحانات في دمشق، واختار المكان يلي بيشبهك.

1. أفضل محلات الحلويات بدمشق: بلّش يومك بحلا بيروّق البال

إذا كنت من جماعة “الحلو سر السعادة وتعديل المود “، بلّش يومك بأطيب حلويات شامية او غربية.
جرب السينامون المغرق بالشوكولا، فلافي كيك اللي بينسيك الدنيا من أول لقمة ، أو أي حلا غربي متل التشيز كيك اللي بياخد العقل.
الأماكن يلي بتقدم الحلا بهالطريقة بتخلي يومك يبلش بنكهة فرح.

جربوا حلويات الرئيس لتحلي يومكم بألذ شكل:

العنوان : دمشق، الطلياني / 3335777 – 3333307

2. أطيب بوظة بالشام: مشوار بينعش القلب بعد التعب

مع شمس الصيف، ما في أحلى من سكوبين كبار من بوظة فستق أو شوكولا، أو حتى نكهات فواكه استوائية.
البوظة دايمًا كانت رفيقة الفرح، وبعد الامتحانات إلها طعمة تانية ولا أطيب.

ولتكون البوظة علاجك النفسي الصحيح و المنعش لازم تجربها من عند موتشو:

العنوان : دمشق، شارع الثورة – مجمع يلبغا / 0998101030

3. مطاعم دمشق للمشاوير: وجبة بترضيك بعد الإنجاز

أكل طيب، جو رايق مع الرفقات، وصحن بيفرح العين قبل المعدة و بيمحي تعب الامتحانات بأطيب وجبة.
سواء بدك شاورما، برغر، بيتزا أو باستا ، المطاعم الشامية بتقدملك تجربة كاملة.
هالمشوار هو الجائزة الحقيقية على تعبكم لهيك لازم تختاروا أفضل مطعم و بيرضي كل الأذواق.

ومن هالمطاعم المميزة مطعم إمبريو:

العنوان : دمشق- المالكي، الصناعة، جرمانا / 0968711700

4. الحدائق العامة بدمشق: قعدة هادية وبترد الروح

بدكم مكان هادي بس فيه طاقة حلوة؟ جمعوا رفقاتكم و روحوا على حديقة تشرين أو حديقة الجاحظ.
جهزوا القعدة، جيبوا شي سناك بسيط، وتشاركوا الحكي يلي تأجل كل هالفترة.

هاللحظات بتضل بالذاكرة وبتمحي التوتر وبتخلق صور حلوة بترافقكم كل العمر.

5. الملاهي بدمشق: فرفشة وضحك من القلب

خلي المشوار آخره طاقة، ضحك، وصرخة من الفرح.
جرب ملاهي الأرض السعيدة أو أي مكان ألعاب بيفرغ كل الضغط جواتك.
الفرح هون مو بس خيار… هو علاج لروحك بعد تعب الامتحان.

هي خطتك لـ مشوار مثالي بعد الامتحانات بدمشق. اختار يلي بيسعدك، وعيش فرحتك مع ناس بتحبهم.
لأنّك تعبت، وبتستاهل تعيش لحظة كلها طاقة، فرحة، وابتسامة!

انبسطت بهالمقال؟ تأكد تزور قسم #وين نروح على موقعنا لتشوف المزيد!