شارع الدامسكينو: 5 مطاعم مكشوفة و الأولى من نوعها بالشام!

بقلب كفرسوسة، وجنب “دامسكينو مول”، صار في شارع عم يغير قواعد اللعبة… مطاعم مفتوحة عالهوى، وديكورات عصرية، وأجواء بتذكرك بشوارع أوروبا، بس بنكهاتنا… وبصخب الشام الحلو. شارع الدامسكينو، هو تجربة جديدة بتجمع بين نكهة الشارع وأسلوب المطاعم العالمية، كل زاوية بهالمكان فيها نكهة مختلفة، وكل واجهة متل دعوة مفتوحة لتجربة جديدة… ومشهية!

خلينا نعرفكن على بعض الأسماء يلي عم تعطي هالشارع سحره الخاص:

1. سيرجية | نكهة حلبية أصيلة

من أول لقمة شاورما أو كباب، بتحس إنك بحلب نفسها. سندويشات مشوية عالفحم، محشية بالبسطرمة، الجاج أو اللحمة، ومطبوخة بحب. الريحة بتسبقك… والطعم بيعلق!

2. سعودي بوكس | التفاصيل كلها بصندوق واحد

النكهات القوية، الكرك البارد، الموهيتو المنعش، والفرابيه اللي ما بيتفوّت. وحلويات لذيذة وغنية، وخدمة سريعة بتخلي كل زيارة أحلى من التانية.

3. صاجه | سندويشة بصاجها

خبز صاج فريش ، بمكونات واصناف متنوعة من الدجاج للبرغر، لفة بتشبع وبتدلل، وبتخلي المود… مزبوط عالآخر!

4. فرايز اند مور| عالم البطاطا والصوصات

الحياة بتصير ألذ مع الكريسبي! أنواع فرايز مع تشكيلات صوصات مبتكرة، وسندويشات بيكفي تشوفن لتجوع، وكل وحدة أطيب من التانية.

5.  شاركو تشكن | دجاج مشوي عالفحم

ريحة الشوي لحالها بتدلّك عالمكان. دجاج متبّل، مشوي صح، ووجبة غنية بتفتح النفس… لكل حدا بيحب الأكل المليان نكهة ودفا.

شارع بيشبه الناس… وبيراعي كل الأذواق

من أول النهار لآخر الليل، شارع الدامسكينو مفتوح ليستقبلكن بتفاصيله، بمطاعمه، وبجوه يلي فيه من كل شي نكهة.

العنوان: كفرسوسة – شارع الدامسكينو – جنب تارغت ماركت

زوروه… وخلو شهيتكن تدلكم ع الطريق.

انبسطت بهالمقال؟ تأكد تزور قسم #وين نروح على موقعنا لتشوف المزيد!