بالشامي
كيف أهل الشام بيسمّوا الأصوات؟ تعرفوا على اسرار لهجتنا!
بالشام، كل شي إلو صوت… وكل صوت إلو اسم. ما في شي بيصير حوالينا من دون ما نعطيه اسم يليق فيه،من المطرقة للملعقة، من السمنة للسيارة، لهجتنا بتعرف توصف كل تفصيلة، وبتخلّي الحياة متل فيلم فيه مؤثرات صوتية… بس بـ لهجة دمشقية. كيف أهل الشام بيسمّوا الأصوات؟
أسماء الأصوات مع أهل الشام؟ ألحان لحالا …تعرفوا عليها!
- غليان المي بالطنجرة؟يعني عم تبقبق… بقبقة
- المي بالاساطل؟ بتخرخر… خرخرة
- السمنة عالفَتّة؟ بتطشطش… طشطشة
- رجفة البرد؟ اسمها تكتكة
- التلعثم بالحكي؟ تأتأة
- إذا عم تحكي شي مو مفهوم؟اسمها بربرة
- عم تكز على سنانك؟ كزكزة
- مفاتيحك عم تدق بببعضها ؟ صوتها خشخشة
- الطبشورة عاللوح؟ بتصرصر صرصرة
- الطرق عالباب؟ دقدقة
- ضحكة طالعة من القلب؟ كركرة
- صوت المضمضة؟ غرغرة
- بتحكي بصوت نايص كتير؟ وشوشة
- اصوات المعدة… زقزقة
- الطاولة عم تتحرك؟ بتلئلئ لألأة
- لمّا السيارة تبطئ وتبلّش تتعطّل؟
منقول: “في لكلكة بالسيارة” - الجرس لما يرن؟ طنطنة
- صوت حك الجلد؟ حكحكة
- الطابة لما تخبط بالأرض؟ ضجضجة
شاركنا بـ الأصوات من الشام من ذكرياتك… وخلينا نكمل القاموس سوا!
عجبكن المقال عن كيف أهل الشام بيسموا الأصوات ؟ممكن يعجبكم كمان: ١٢ شغلة بتخلي الشام غير شكل.. ليش كل شي بالشام أحلى؟