أول مطعم ديلي بنكهات شرقية بقلب دمشق!

كل فترة بتفاجئنا الشام بمكان جديد بيضيف نكهة مختلفة لطلعاتنا، ومن هالأماكن بلاك آوت عالماشي، اللي بيجمع بين الأكل المبتكر والديكور العصري والأجواء الراقية. وبيتميّز بكونه أول وجهة متخصصة بمفهوم ديلي بـ دمشق وبسوريا، وهو أسلوب مشهور عالمياً بالساندويشات المحضّرة بأنواع مختلفة من الخبز والحشوات والصوصات، بس هون بلمسات مستوحاة من مطبخنا الشرقي. فخلّونا ناخدكن بجولة ونتعرّف على أبرز الأصناف اللي بتستاهل التجربة!

فطور فريش… نكهات شامية بلمسات عصرية

شو أحلى من فطور طيب وقعدة رايقة؟ خصوصاً مع خيارات بتجمع بين النكهات الشامية والأفكار العصرية! فيكن تبلّشوا مع لبنة مكدوس على خبز الساوردو المحمّص، أو أفوفيتا بالأفوكادو وجبنة الفيتا. ولعشّاق الجبنة، في ترافل حلّوم وسموكي فلات كرو بالحبش والجبنة داخل كرواسون، بالإضافة لـ كلاسيك أومليت وتركي أومليت.

مانابوليتانا… مناقيش شامية بروح إيطالية!

تخيّلوا المنقوشة اللي منحبّها بعجينة البيتزا النابولية الطرية وأطرافها المنتفخة! هاي فكرة مانابوليتانا، اللي بتجي بنكهات الزعتر والجبنة، وسموكي تشيزي وتشيزي محمّرة وتشيزي زعتر، وحتى بالنوتيلا لعشّاق الشوكولا.

ساندويشات مبتكرة… نكهات شرقية غير شكل!

مين قال إنّه الساندويشات لازم تكون تقليدية؟ هون بتظهر فكرة الديلي مع أصناف بتفتح النفس، متل تشيري كفتة المستوحاة من الكفتة بالكرز، وتوشكا ميلت لعشّاق اللحمة والجبنة. ولمحبّي الشيش طاووق، في شيش كرو داخل كرواسون وكلاسيك شيش بخبز المشروح، بالإضافة لـ ساور كريم تندرلوين بشرائح اللحم المشوي والكريمة الحامضة.

أطباق البرانش… غدا على مزاجكن!

وإذا عبالكن وجبة مشبعة، فيكن تجرّبوا فتة مسخّن بنكهاتها الشرقية، أو بينك تندرلوين بأرز الشمندر الوردي وشرائح اللحم، وكمان شيش بول لمحبي الدجاج.

سلطات ووجبات صحية… خفيفة وطيبة!

وللمهتمّين بالأكل الصحي، في سويت ويت بنكهات الخضار والفواكه، وسالد بايت بلفائف ورق الأرز، بالإضافة للأصناف الجديدة متل تشيكن مشروم فيتوتشيني وتشيكن نودلز.

قهوة وعصائر… قعدة بتكمل المزاج!

ولأنّه القعدة الحلوة بدها مشروب على المزاج، بلاك آوت بيقدّم تشكيلة متنوعة من القهوة والعصائر الفريش والماتشا، بأجواء راقية وديكور عصري بيخلّي الاستراحة من زحمة النهار إلها طعمة تانية.

حلويات بلاك آوت… مسك الختام!

وللتحلاية، في كان تو غو كيك، بفكرة عملية بتناسب الأكل عالماشي، ومانابوليتانا بالنوتيلا لعشّاق الشوكولا والمخبوزات الحلوة.

وين بتلاقوا بلاك آوت عالماشي؟

العنوان: بوليفارد الفورسيزون، دمشق، سوريا.

أوقات العمل: يومياً من 8 صباحاً حتى 1 بعد منتصف الليل.

رقم التواصل 0982525688:

حطّوه هالـ ديلي على قائمة طلعاتكن الجاية في دمشق، وخبرونا… شو أول صنف حابين تجرّبوه؟

المزيد:

5 مطاعم بتعمل صفيحة شامية ولا أطيب… لازم تجربوها! 

ريحة العجين المحمر بالفرن، وتتبيلة اللحمة الغنية باللبن أو البندورة، ورشة الصنوبر يلي بتكمّل الطعمة…