يوم كامل بالمالكي: 10 مطاعم و كافيهات لازم تكتشفوها!

إذا عبالكن طلعة حلوة بدمشق، بالمالكي في مطاعم راقية و كافيهات مميزة، من فطور الصبح لغدا مع الرفقات، وصولاً للقهوة والحلويات. ولهيك اخترنالكن 10 أماكن متنوعة، لتلاقوا اللي بيناسب ذوقكن وتختاروا الأجواء اللي بتحبوها بطلعتكن الجاية!

1. صح النوم

لتبلّشوا يومكن بفطور على رواق، صح النوم بيقدملكم أصناف متنوعة من الفطور الشرقي والغربي، مع قعدة أنيقة وإطلالة حلوة على حديقة تشرين.

2. غاليارد

غاليارد من الخيارات المميزة لغدا فاخر بالمالكي، وبيجمع بين الأطباق الشرقية والعالمية والمأكولات البحرية، مع أجواء راقية بتناسب الجمعات والمناسبات الخاصة.

3. تشيكي

لمحبي البرغر والوجبات السريعة، تشيكي بيقدم تشكيلة من الأصناف اللي بتناسب مختلف الأذواق، وبيكون خيار حلو لطلعة خفيفة مع الرفقات.

4. الفطيرة الساخنة (بيتزا هت)

ولما تشتهوا بيتزا، بيتزا هت من الخيارات اللي بتلاقوا فيها أنواع ونكهات بيتزا مميزة، ومناسب خصوصاً لطلعات الرفقات اللي بيحبوا يتشاركوا البيتزا سوا.

5. الفاروق

لعشّاق الأكلات الشامية، الفاروق بيقدم الصفيحة والمعجنات والمشاوي بأنواعها، وبيجمع أصناف كتيرة من المطبخ الشرقي بمكان واحد.

6. جست شاورما

ولوعبالكن شاورما تحديداً، جست شاورما بساحة زنوبيا بيقدملكم شاورما الدجاج واللحم بأطيب طعم، ومناسب لوجبة سريعة بين مشاويركن.

7. بي هيلثي

للأشخاص يلي بيفضّلوا الأكل الصحي، بي هيلثي بيقدملكم وجبات متوازنة وسلطات وأصناف متنوعة، حتى تستمتعوا بوجبة طيبة وتناسب نظامكن الغذائي بنفس الوقت.

8. كيو سفن

أما إذا بتحبوا القهوة المختصة، كيو سفن خيار حلو لفنجان قهوة طيب، مع مشروبات متنوعة وجلسات داخلية وخارجية بأجواء عصرية.

9. مطعم وكافيه المالكي

ولوعبالكن قعدة هادية مع الرفقات ومكان مليان تسالي وأكلات شرقية وغربية متنوعة، فما إلكن غير المالكي كافيه بأجوائه الأنيقة والمريحة اللي بتناسب طلعات الصبح والمسا.

 10. فولوتيه

ولأن الطلعة ما بتحلى من دون تحلاية، فولوتيه بيجمع بين الشوكولا والحلويات والمشروبات المتنوعة، لتختموا يومكن بقعدة حلوة ومكان أنيق.

وما بتوقف الخيارات عند هالأماكن، بـ المالكي فيه مطاعم وكافيهات ومحلات حلويات كتيرة بتناسب كل الأذواق، لهيك سواء كنتوا طالعين مشوار سريع أو حابين تقضوا سهرة طويلة مع الرفقات رح تلاقوا أكيد المكان يلي بيعجبكم.

المزيد:

5 مطاعم بتعمل صفيحة شامية ولا أطيب… لازم تجربوها! 

ريحة العجين المحمر بالفرن، وتتبيلة اللحمة الغنية باللبن أو البندورة، ورشة الصنوبر يلي بتكمّل الطعمة…