أطيب 4 محلات بيتزا بدمشق.. لازم تكون على قائمتك!

لما تشتهي بيتزا، الحيرة بتبلش من اختيار المكان. بين العجينة الإيطالية الخفيفة والبيتزا الأمريكية الغنية بالجبنة والإضافات، كل محل إله نكهته الخاصة. لهيك جمعنالكم أربع محلات بدمشق قدروا يلفتوا انتباه عشاق البيتزا، وكل واحد فيهم عنده أصناف بتستاهل التجربة.

1. سبازيو بيتزا

سبازيو من المحلات يلي بتخليك تحتار شو تطلب. المنيو بيجمع بين البيتزا الإيطالية الكلاسيكية والأصناف الأمريكية الغنية بالنكهات، ومن أشهرها بيتزا الدجاج بصوص الباربكيو، وبيتزا فاهيتا الدجاج، وبيتزا سبازيو الخاصة، إضافة إلى بيتزا الفورتشيز لعشاق الجبنة، وبيتزا البيبروني مع الفطر يلي بتعتبر من أكتر الأصناف طلباً.

وكمان بتلاقوا عندهم سناك وسالاد إذا حابين تكملوا الوجبة.

الفروع والتواصل:

الروضة، جانب الهلال الأحمر (0113354220)

المزة، الفيلات الغربية، جانب جامع الكوثر(0116122212)

2. ليفينو لاونج

لعشاق البيتزا الإيطالية، ليفينو لاونج من الأماكن الجديدة يلي بتستحق تكون على قائمتكم. المطعم متخصص بالمطبخ الإيطالي، وبيقدم بيتزا بعجينة خفيفة محضرة على الطريقة الإيطالية، مع مكونات فريش ونكهات متوازنة. ومن أكثر الأصناف يلي مننصحكم تجربوها بيتزا البوراتا، بيتزا لا غرياد، وبيتزا الترفل، وكل واحدة منها أطيب من التانية والأجمل إن المنيو ما بيضل ثابت، لأن المطعم بيضيف بين فترة والتانية أصناف ونكهات جديدة، ليكون في سبب ترجعوا وتجربوا شي مختلف بكل زيارة..

العنوان والتواصل:

دمشق، القصاع، ساحة برج الروس.

للتواصل: 0991333359 – 0988410103.

3. باتانايا بيتزا

باتانايا هو العنوان المناسب لعشاق بيتزا نابولي. بيعتمدوا الطريقة الإيطالية التقليدية بتحضير العجينة مع مكونات فريش، لتطلع البيتزا خفيفة ومتوازنة بالنكهة. إذا بتحب البيتزا البسيطة يلي بتعتمد على جودة المكونات أكتر من كثرتها، فهاد المكان رح يعجبك.

العنوان والتواصل:

أشرفية صحنايا، مقابل البنك العربي، جانب شركة الميثاق.

للتواصل: 0941415150.

4. أكشن بيتزا

إذا كنت من محبي البيتزا الأمريكية، فأكشن بيتزا من الأماكن يلي لازم تجربها. المنيو مليان خيارات متنوعة، من بيتزا الدجاج وبيتزا اللحمة، وصولاً إلى سي فود بيتزا وكريزي بيتزا، وكلها بكمية جبنة سخية وإضافات غنية بتعطي كل قطعة نكهة مميزة. وما بيوقف الموضوع عند البيتزا، لأن المطعم بيقدم كمان برغر البيتزا، وهو من الأصناف يلي لفتت انتباه عشاق البرغر والبيتزا بنفس الوقت.

الفروع والتواصل:

القصور (0965404071)

تنظيم كفرسوسة، جانب المركز الثقافي (0965404073)

بالنهاية كل محل بالقائمة بيقدم أسلوب مختلف بتحضير البيتزا، من الوصفات الإيطالية الكلاسيكية، للبيتزا الأمريكية الغنية بالنكهات. وإذا كنت من عشاق البيتزا، جرب أكتر من مكان، واكتشف أي وحدة رح تستحق تكون طلبك الدائم.

المزيد في قسم كول وشكور على موقعنا للمزيد!