أفضل المسابح الصيفية بدمشق للكبار والصغار: سباحة، رواق، و استرخاء

مع ارتفاع درجات الحرارة، ما في أحلى من يوم بالمسبح لتجددوا طاقتكم وتستمتعوا بأجواء الصيف. سواء كنتوا عم تدوروا على مسبح للعيلة، مكان لتعليم السباحة، أو جلسة منعشة مع الرفقات، فدمشق فيها خيارات متنوعة بتناسب الجميع. جمعنالكم أفضل المسابح الصيفية بدمشق، ولكل واحد منها ميزة بتخليه يستحق الزيارة.

1. مسبح زويا

إذا بدكم مكان يجمع بين السباحة والأكل والقعدة الحلوة، فزويا من الوجهات المميزة هالصيف. المكان مو بس مسبح، كمان فيه مطعم، جلسات صيفية على المسبح، نادي صيفي للأطفال، ودورات تعليم سباحة للكبار والصغار، ليكون مناسب لكل أفراد العيلة.

العنوان: المزة فيلات شرقية – مجمع نادي الشباب الرياضي
الهاتف: 0983966662 – 0983966661 – 0116131010

2. مسبح فايب أرينا

مكان مناسب للعائلات وللناس يلي بتحب الأجواء الرياضية والترفيهية بنفس الوقت. بيضم مسبح، ملعب، وألعاب أطفال، إضافة إلى فترة يومية مخصصة للسيدات ضمن أجواء مريحة وخصوصية كاملة.

العنوان: طريق قرى الشام
الهاتف: 0991938612

3. مسبح ديونز

من المسابح يلي بتناسب كل الفئات العمرية، سواء للسباحة الحرة أو لتعلم السباحة. بيقدم دورات بإشراف مدربين مختصين، وأوقات مخصصة للعائلات مع خدمة مميزة وأجواء هادئة مناسبة للاسترخاء.

العنوان: أوتستراد المزة – مدينة الجلاء
الهاتف: 0968888360

4. مسبح ماغما

إذا كنتوا بتفضلوا الأجواء الهادئة، فماغما خيار مناسب. بيقدم سباحة حرة، أوقات مخصصة للسيدات، ودورات للأطفال ضمن بيئة مريحة.

العنوان: كفرسوسة – شام سيتي سنتر – الطابق P1
الهاتف: 0966119962 – 0112130130

5. مسبح أرض الأحلام

مو مجرد مسبح، وإنما مدينة مائية فيها زحاليق، ترامبولين، مسابح للكبار والصغار، ألعاب، ومطاعم، لتقضوا يوم كامل مليان نشاط.

العنوان: عين ترما – مجمع أرض الأحلام
الهاتف: 0954647650

6. مسبح غولدن المزة

إذا كنتوا عم تدوروا على أجواء راقية بقعدة صيفية ومسبح ضمن فندق، فغولدن المزة خيار مناسب للاسترخاء وقضاء نهار مميز.

العنوان: المزة الشرقية – دمشق
الهاتف: 0946900059 – 0119663

7. مسبح نادي الجيش

من الخيارات المناسبة لتعلم السباحة، مع دورات بإشراف الكابتن صالح محمد، إضافة إلى أيام مخصصة للسيدات.

العنوان: أوتستراد الفيحاء

8. مسبح رويال بردى

بيجمع بين السباحة، والأكل الطيب والقعدة الحلوة، بأجواء مناسبة للعائلات ودورات سباحة لمختلف الأعمار.

العنوان: المزرعة – داخل نادي بردى
الهاتف: 0114431425 – 0945923947

9. مسبح سبارك

مسبح مغطى وآمن في دمشق، بيقدّم دورات تدريبية خاصة للأطفال والسيدات تحت إشراف أفضل المدربين المحترفين. مع بيئة مثالية للسباحة الحرة والدورات التدريبية، رح تستمتع بأجواء منعشة ومريحة.

العنوان: المزة فيلات شرقية – مدينة الشباب
الهاتف: 0943313336 – 6122005

10. مسبح غولدن روز

مسبح واسع مع مطعم ولا أحلى، وبيوفرلكم أوقات سباحة بتناسب مختلف الأعمار. بالإضافة لجلسات مريحة وصالة رياضية وخدمات متنوعة.

العنوان: المزرعة – داخل نادي الوحدة
الهاتف: 0933311134 – 0933209500

11. مسبح أكوافريسكا

مجمع صيفي بيضم مسابح للكبار والأطفال مع ألعاب مائية وجلسات خارجية، ليكون مناسب للعائلات.

العنوان: سهل صيدنايا – مقابل مطعم المزار
الهاتف: 0115958220

بالنهاية سواء كنتوا بدكن يوم استرخاء، تدريب سباحة، أو طلعة صيفية مع العيلة، هـ المسابح بدمشق بتوفر خيارات متنوعة بتناسب الكل. اختاروا المكان الأقرب لإلكن، واستمتعوا بصيفية منعشة.

المزيد

وايت هيلز بدمشق: المكان يلي صار يجمع كل شي بتحبوه بطلعة وحدة 

م يقدّم فكرة مختلفة شوي ؛ مساحة كبيرة بتجمع الأكل والمشروبات، الفعاليات، التجارب الفنية، والجلسات الحلوة بمكان واحد