أفضل 5  اندية بدمشق لعشاق الخيول و الفروسية

ركوب الخيل تجربة إلها سحرها الخاص؛ بتطلعكم من روتين المدينة وبتاخدكم على أجواء مختلفة، فيها حركة، طبيعة، وإحساس حلو بالثقة. وهي من النشاطات اللي بتناسب كل الأعمار، سواء للأطفال اللي بدهم يتعلموا شي جديد، أو للكبار اللي حابين يعيشوا مشوار مختلف بعطلة نهاية الأسبوع. وبما إنو دمشق مليانة مراكز حلوة بتقدّم تدريب، ركوب حر، ومسارات خارجية، اخترنالكم 5 من أفضل أندية ومراكز الفروسية بدمشق لتعيشوا تجربة ركوب الخيل بطريقة ممتعة وآمنة:

1. غولدن هورس

غولدن هورس من أشهر أندية الفروسية في دمشق، وبيقدم تدريب على ركوب الخيل، ركوب حر، ومسارات خارجية. مناسب للمبتدئين وللي عندن خبرة، وكمان خيار حلو للكبار والأطفال.

العناوين: الزاهرة الجديدة، جسر المشاة، خلف جامع الرضا
وطريق المطار، قبل جسر عقربا، مدخل معرض بيرويا
للحجز: 0951814194

2. نادي الفروسية المركزي

نادي الفروسية المركزي في الديماس من الخيارات المهمة لعشاق الخيول العربية الأصيلة ورياضة قفز الحواجز. النادي مناسب للمبتدئين والمحترفين، وفيه خيول بتناسب كل المستويات. إذا بدكم تجربة ركوب خيل منظمة أو تدريب ضمن أجواء فروسية عالمية، هالنادي خيار ممتاز.

الموقع: دمشق، الديماس

للحجز: 963933558595

3. أكاديمية الخراط للفروسية

أكاديمية الخراط للفروسية بتقدم دورات تدريبية، ركوب حر، ومسارات خارجية، بتناسب الأطفال والكبار. خيار مناسب للي بدو يتعلم ركوب الخيل من الصفر أو يطور مهارته بأسلوب منظم. كمان بتوفر الأكاديمية مواصلات للطلاب، وهاد بيسهّل المشاركة بالدورات الصيفية.

الموقع: دمشق، طريق المطار، الغزلانية
للحجز: 0936276588

4. هاي هورس

هاي هورس من أندية الفروسية المناسبة للعائلات والأطفال بدمشق، وبتقدم برامج صيفية فيها ركوب خيل، رماية، وسباحة. التجربة مناسبة لكل الأعمار، وبتعطي الأولاد نشاط ممتع وآمن. إذا بدكم مشوار مختلف بالعيد أو عطلة مليانة حركة، هاي هورس خيار حلو.

الموقع: العدوي، مقابل كلية الزراعة
للحجز: 0942255808

5. أكاديمية الفخامة للخيول

أكاديمية الفخامة للخيول بتقدم دورات تدريبية، ركوب حر، ومسارات خارجية في البر. مناسبة للي بدهم تجربة ركوب خيل وسط الطبيعة، بعيد عن روتين المدينة. الميزة عندن إنو المواصلات متوفرة، وأول تجربة بالملعب مجانية للتدريب.

الموقع: طريق المطار، الجسر السابع، تل مسكن
للتواصل: 0936090222

بالنهاية اختاروا النادي الأقرب إلكن، واحجزوا تجربة ركوب خيل بالعيد أو بأي يوم عطلة، وعيشوا مشوار مختلف وسط طبيعة سوريا الساحرة.

المزيد:

مولات دمشق: تجربة تسوق وترفيه ما بتتفوت

خلينا ناخد جولة سريعة على أهم هالمولات