خمس شغلات لازم تجيبها معك من الشام

إذا رايح زيارة عالشام في شغلات ما بتتفوت، ولازم تاخدها معك كهدايا أو تذكارات. الشام مليانة بالمنتجات التقليدية والمميزة اللي بتعكس ثقافتها وتاريخها، خلينا نتعرف على خمس شغلات لازم تجيبها معك من الشام.

1. الصابون الحلبي:

الصابون الحلبي هو واحد من أقدم وأشهر المنتجات السورية، وبيتميز بتركيبته الطبيعية اللي بتضم زيت الزيتون وزيت الغار. هالصابون مصنوع بالطريقة التقليدية اللي بترجع لمئات السنين، وبيعتبر من أفضل أنواع الصابون الطبيعي بالعالم. بيلتقى بأي محل عطارة أوبمحلات سوق الحميدية

2. الحلويات الشامية:

الحلويات الشامية من الأكلات اللي لازم تجيبها معك وأنت راجع. من أشهرها البرازق والغريبة والمبرومة. اللي بيميز هالحلو بالشام أنو طريقة صناعتها موروثة أب عن جد، بتقدر تشتريهم من محلات معروفة مثل مهنا، السلطان، داوود إخوان، وحلويات نفيسة

3. العطور الشرقية:

دمشق معروفة بالعطور الشرقية المميزة، اللي بتضم مكونات طبيعية مثل المسك، العود، والورد الدمشقي. العطور بتكون معباية بقناني قزاز وغالباً موجودة  بسوق الحميدية. 

4. المشغولات اليدوية:

الشام مشهورة كمان بصناعة المشغولات اليدوية، مثل النحاسيات، السجاد، والأقمشة المطرزة متل البروكار إذا كنت بدك تجيب معك هدية مميزة، فيك تختار شي من المشغولات اليديوية يلي أكيد رح تبيض الوش.

5. التوابل والقهوة والزعتر:

إذا كنت بتحب الطبخ والك مراق بالنكهات القوية والبهارات، فما الك الا تنزل على سوق مدحت باشا وتفوت على عالم من الروايح والبهارات اللي ما بتخلص بالمحلات هنيك وتنقي يلي بدك منها بأسعار مقبولة وجودة عالية، نفس الشي بالنسبة للزعتر والقهوة 

زيارتك للشام ما بتكمل بدون ما تجيب معك هالـ شغلات اللي بكل مرة رح تشوفها أو تدوقها او تشمها رح ترجعك على الشام بثواني.