6 محلات لازم تجرّبوا عندها أطيب كرواسون بالشام!

مين فينا بيقدر يقاوم كرواسون فريش، مقرمش من برّا وطري من جوّا؟ وخصوصاً مع كل النكهات اللي صارت تقدّمها محلات دمشق، من الشوكولا والبستاشيو للكريمة والجبنة والحشوات المالحة. فإذا كنتوا من عشّاق الـ كرواسون، جمعنالكن 6  محلات بالشام بتستاهل تضيفوها على قائمة تجاربكن الجاية!

1. زوما بيك هاوس

إذا بتحبّوا الكرواسون الفرنسي، فـ زوما بيك هاوس عنده تشكيلة بتفتح النفس، متل كرواسون التوت وكريمة الباتيسيه. وللفطور المالح، في كرواسون الزبدة بحشوات البيض والحبش والبيبروني والبسطرمة والبسطرمة مع البيض، بالإضافة لحلويات فرنسية متنوعة.

الموقع: تنظيم كفرسوسة، دمشق.

التواصل: 963991433377

2. غولدن بيكري

غولدن بيكري، بيجمع بين النكهات الحلوة والمالحة، من كرواسون الكاسترد والشوكولا الداكنة، لكرواسون التونا واللبنة بعجينة السبع حبوب. وإذا بتحبّوا الأحجام غير التقليدية، في الكروسان العملاق مع فنجان الشوكولا لتجربوا الترند!

الموقع: أوتوستراد المزة، دمشق.

3. حلويات الرئيس

شو في أحلى من كرواسون فريش مع قهوة الصبح؟ عند حلويات الرئيس فيكن تجرّبوا الكرواسون الكلاسيكي بطبقاته الهشّة، أو كرواسون الجبنة، بالإضافة للكرواسون المحشي على طريقة صب واي، لفطور مالح ومشبع.

الموقع: الطلياني، دمشق.

التواصل: 3335777 – 3333307 – 3334157

4. الركن الفرنسي

ولعشّاق النكهات المختلفة، الركن الفرنسي بيقدّم كرواسون البستاشيو بحشوته الغنية، وكرواسون الروز ماري بنكهته المميزة، إلى جانب الأصناف الفرنسية الكلاسيكية بالشوكولا والجبنة والزيتون.

الموقع: الجسر الأبيض، دمشق.

التواصل: 3322239 – 3317332 – 0944000775

5. إمبريس باتيسري

إذا عبالكن كرواسون مع قهوة وقعدة حلوة، فـ إمبريس باتيسري من الأماكن اللي ممكن تضيفوها على قائمتكن بالشام، مع تشكيلة من الكرواسون والمخبوزات والحلويات، لتختاروا منها اللي بناسب مزاجكن.

الموقع: أوتوستراد المزة، دمشق.

التواصل: 0985122225 – 0116116118

6. بي باتيسري

أما بي باتيسري، فبيقدّم الكرواسون الفرنسي بطبقاته الذهبية الهشّة، مع تشكيلة من المخبوزات الفريش اللي بتناسب فطور الصبح أو استراحة خفيفة مع القهوة.

الموقع: الصالحية، مقابل فندق الشام، دمشق.

التواصل: 2266444 – 2266777 – 0990815717

وإنتوا… بتحبّوا الكرواسون حلو ولا مالح؟

المزيد

أول مطعم ديلي بنكهات شرقية بقلب دمشق!

بلاك آوت عالماشي، بيجمع بين الأكل المبتكر والديكور العصري والأجواء الراقية