وين بتلاقي أطيب أكل آسيوي بالشام؟

إذا بتحبوا النكهات الآسيوية، فالموضوع مو واقف عند السوشي وبس. من الرامن والترياكي والكاتسو، للأونيغيري والنودلز والأطباق الصينية، صار في بالشام أماكن بتقدّم تجارب متنوعة بتاخدكم من اليابان للصين بنكهات مختلفة وأجواء حلوة. جمعنالكم 10 أماكن بالشام ممكن تلاقوا فيها أكل آسيوي، أو تكتشفوا طبق جديد لأول مرة.

1. كوميمارو

كوميمارو من الأماكن المميزة للي حابين يجرّبوا المطبخ الياباني بشكل أقرب لأصوله، وخصوصاً إنو الشيف ياباني الأصل. غير السوشي، في عندهم أونيغيري، ماتشا وأطباق يابانية متنوعة، فالمكان مناسب للي حابب يتعرف على أكتر من نكهة من المطبخ الياباني.

الموقع: نهاية الربوة – داخل مجمع مشوار.

2. تايو

تايو عنده تشكيلة متنوعة من النكهات اليابانية، من الرولات الكلاسيكية للتمبورا والترياكي والتونا الحارة. في خيارات مقرمشة، حارة، وحتى نكهات أخف مثل المانغو والخضار، فكل مرة فيكن تجربوا تركيبة مختلفة.

الموقع: كفرسوسة – شام سيتي سنتر – الطابق الثاني.

3. كاتانا

كاتانا مناسب للي بيحبوا التجربة اليابانية البحرية، مع خيارات متنوعة من السوشي والسا شيمي والنودلز، بالإضافة لتجربة الأوبن سوشي. وإذا بتحبوا النكهات البحرية البسيطة والواضحة، ممكن تلاقوا هون أكتر من خيار يناسبكم.

الموقع: فندق الشيراتون – سيفن غيتس.

4. أومامي

بأومامي فيكن تنتقلوا بين أكتر من نكهة يابانية بنفس الوجبة. غير تشكيلة السوشي بالسالمون والتونا والكراب والروبيان، في كمان الترياكي والكاتسو، لتكون الخيارات أوسع بين الأطباق البحرية والمطبوخة والمقرمشة.

الموقع: شارع شكري القوتلي – قرب فندق فورسيزن.

5. هاشي سوشي هاوس

هاشي مو بس مكان لعشاق السوشي، لأنو فيكن تجمعوا بين الرولات المختلفة وطبق رامن ساخن بنفس القعدة. خيار مناسب إذا بدكم تجربة يابانية فيها تنوع بين النكهات الفريش، المقرمشة، والأطباق الدافية.

الموقع: دمشق القديمة – باب توما – دخلة جادة البكري.

6. هانابي سوشي

هانابي من الأماكن المعروفة عند محبي المطبخ الياباني والمأكولات البحرية بالشام. إذا بتحبوا تكون النكهات البحرية واضحة بالوجبة، فالتشكيلة عندهم بتعطيكم خيارات متنوعة لقعدة هادية أو عشا مع الرفقات.

الموقع: أبو رمانة – مقابل السفارة اليابانية.

7. أوكي سوشي

هون التجربة أوسع شوي، لأنو أوكي بيجمع بين المطبخ الياباني والصيني. فيكن تطلبوا سوشي او دامبلينغ وتضيفوا معه أطباق آسيوية ساخنة، وهاد الشي بيخليه خيار مناسب للجمعات يلي كل حدا فيها مشتهي شي مختلف.

الموقع: أبو رمانة – دمشق.

8. نامي

نامي بيقدّم تجربة آسيوية بطابع عصري ومرتب، مع تشكيلة متنوعة من السوشي، ومن التجارب المعروفة عندهم الأوبن سوشي يوم الثلاثاء. مناسب للي بيحب يجرب أكتر من نكهة بنفس السهرة ويغيّر بين الخيارات.

الموقع:

المزرعة – مجمع هنغار – مقابل نادي بردى.

ساحة القصور – نزلة الغساني.

9.تارتار

إذا بتميلوا للنكهات الأقوى والجريئة، تارتار عنده خيارات متنوعة بين المدخن، الكريمي، الحار والحلو. من دراغون ورينبو لتيماكي ديناميت والمانغو والسالمون الكريمي، التجربة هون مناسبة للي بيحب كل مرة يطلب شي مختلف.

الموقع: الشعلان – ضمن مطعم ميرلان.

10. ياهو سوشي

ياهو من الخيارات المناسبة لما تكونوا مشتهيين وجبة يابانية خفيفة، وخصوصاً لمحبي السوشي والنكهات البحرية. تشكيلته بتناسب غدا سريع أو عشا بسيط مع العيلة والرفقات.

الموقع: كفرسوسة – دخلة وزارة الخارجية، جانب مطعم رمان.

من الرامن والترياكي للأونيغيري والسوشي والأطباق الصينية، صار في بالشام خيارات بتخلي تجربة الأكل الآسيوي أوسع وأمتع. وكل مكان بهالقائمة عنده طريقته ونكهاته الخاصة، فاختاروا يلي بناسب مزاجكم وجرّبوا شي جديد.

المزيد:

5 مطاعم بتعمل صفيحة شامية ولا أطيب… لازم تجربوها! 

ريحة العجين المحمر بالفرن، وتتبيلة اللحمة الغنية باللبن أو البندورة، ورشة الصنوبر يلي بتكمّل الطعمة…