كول وشكور
لعشاق الشاورما: 5 محلات جديدة افتتحت بدمشق ولازم تجربوها
إذا بالنسبة إلكن سندويشة الشاورما لازم تكون ملدوعة، مسئسئة، ومحمّرة عالوجه، فهالقائمة معمولة كرمالكن. بالفترة الأخيرة تم افتتاح عدة محلات جديدة بدمشق، وكل واحد منها عم يقدّم الشاورما بطريقته، بين النكهة الشامية، شاورما عالفحم، والوجبات الغنية بالإضافات.
وهون جمعنالكم خمس محلات شاورما جديدة بدمشق، فيكم تطلبوا منها سندويشة، وجبة عربي، أو وجبة فرط حسب شهيتكم.
1. صولا تشيكن
صولا تشيكن بيركز على الشاورما الشامية بالطريقة اللي منعرفها ومنحبها. فيكم تختاروا ساندويش شاورما، وجبة عربي مشبعة، أو تجربوا فتة الشاورما مع الرز إذا بدكم شي مختلف شوي بس طيب كتير. وعندهم كمان سناك وبروستد، لهيك المكان مناسب لطلعة عائلية أو لمجموعة رفقات كل واحد مشتهي صنف معين.
العنوان: الميدان، الجزماتية، مقابل مركز غاز قويدر
للتواصل: 0118839918 – 0940653237
2. شاورها
إذا بدكم الشاورما بأكتر من شكل، شاورها عنده خيارات بتناسب كل درجات الجوع. فيكم تطلبوا سندويشة ملدوعة ومسئسئة ومحمّرة، وجبة عربي مقطعة منغنغة، أو وجبة فرط مع الثومية والمخلل والبطاطا. المنيو متنوع كمان وبيضم سندويشات و وجبات غربية، أطباق سمك ومقبلات، لهيك مناسب للطلعات اللي كل حدا فيها مشتهي أكلة.
العنوان: ساحة الشهبندر، دمشق
للتواصل: 0988442046 – 0114414418 – واتساب 0988442045
3. شاورما آرت
بشاورما آرت، فيكم تختاروا بين شاورما اللحمة أو الدجاج، وتطلبوها سندوتش أو وجبة عربي. السندويش عندهم معمولة للي بيحبها ملدوعة، محمّرة، ومليانة تتبيلة من أول لقمة لآخر لقمة. وشاورما اللحمة من الأصناف اللي بيركزوا عليها، خصوصاً للي بحبوا الطعمة الدسمة واللدعة الواضحة.
العنوان: المزة، الفيلات الشرقية، نزلة جامع الأكرم، أول حارة بارفيه
للتواصل: 0953281121 – 0116116226 – 0116116227
4. شاورما النيران ع الفحم
هون الشاورما إلها طعمة تانية، لأنو المحل مختص بالشاورما المشوية عالفحم. النكهة المدخنة والتتبيلة الخاصة هنن أكتر شي بيميزوا ساندويش و وجبات النيران عن الشاورما التقليدية. فإذا بتحبوا الخبزة تكون محمّرة والدجاج فيه طعمة مدخنة لذيذة ، شاورما النيران ممكن تكون تجربة مناسبة إلكن.
العنوان: باب مصلى، جانب النفوس وعصير أبو العز
للتواصل: 0946163624
5. بس شاورما
الاسم واضح، وكل التركيز هون على الشاورما. عندهم شاورما دجاج ولحمة، وفيكم تختاروا بين سندويشة سريعة، وجبة عربي مشبعة، أو وجبة فرط مع الإضافات اللي بتحبوها. خيار مناسب للي بيحبوا السندويشة مسئسئة ومحمّرة، أو العربي المقطع مع الثومية والمخلل ودبس الرمان.
الفروع: المالكي، ساحة زنوبيا – كفرسوسة، دامسكينو مول
كل محل من هالمحلات الخمسة عم يقدّم الشاورما بأسلوب ونكهة مختلفة، من السندويشة الدمشقية الملدوعة لشاورما الفحم. بقي تختاروا: دجاج ولا لحمة؟ سادويش، عربي، ولا وجبة فرط؟
الأكثر قراءة هالشهر
أمثال ما بتسمعها إلا بالشام
١٣ سبتمبر ٢٠٢٤
القاموس الشامي: مفردات ومصطلحات اللهجة شامية
٣٠ يوليو ٢٠٢٤
أفضل مراكز تعلم اللغات في دمشق
٠١ أكتوبر ٢٠٢٤
احتفل بمناسبتك بأرقى وأجمل صالات الافراح ب دمشق
١٨ سبتمبر ٢٠٢٤
أشهر محلات الحلويات بدمشق: طعمة بتخليك ترجع كل مرة!
٢٤ سبتمبر ٢٠٢٤
