4 مطاعم مأكولات بحرية لازم تجربوها هالصيفية بدمشق

إذا في أكلة مرتبطة بالصيف أكتر من غيرها، فهي أكيد المأكولات البحرية. من القريدس المقلي والأسماك المشوية للصيادية وأطباق السي فود الغنية، ولوعبالكن تجربة مأكولات بحرية بدمشق، جمعنالكن 4 مطاعم بتقدّم أطباق مميزة وبتستاهل تكون على قائمتكن هالصيف.

1. ماريس

إذا بدكم تجربة مأكولات بحرية راقية، فماريس من أول الأسماء يلي لازم تخطر ببالكم. المطعم موجود ضمن بوليفارد الفورسيزنز، وبيعتمد على تقديم المأكولات البحرية بأسلوب أنيق ومختلف. ومن الخيارات المميزة عندن سفرة ماريس يلي بتتضمن مقبلات، سلطة، وطبقين رئيسيين، لتكون تجربة متكاملة لمحبي المأكولات البحرية.

العنوان: بوليفارد الفورسيزنز – دمشق
الحجز: 0965999005 / 0965999006

2. غراند مارت

إذا كنتوا من الناس يلي بتحب الأطباق البحرية الشرقية والأسعار المناسبة، فغراند مارت من الخيارات المعروفة بدمشق. المطعم بيقدم تشكيلة واسعة من الأسماك والمأكولات البحرية، بالإضافة لأطباق شرقية متنوعة بتناسب مختلف الأذواق. الميزة الأساسية هون إنو المكان بيجمع بين التنوع والسعر المقبول، وهاد الشي خلاه من الوجهات المحبوبة لعشاق السي فود.

العنوان: تنظيم كفرسوسة – مول شام سيتي سنتر
الهاتف: 0112112800 – 0995030207

3. كيو شرمب

خيار مختلف لمحبي القريدس والمأكولات البحرية العصرية. كيو شرمب متخصص بأطباق الروبيان بمختلف أنواعها، من أصابع القريدس المقرمشة للباستا بكل أنواعها ومن السوشي للسندويشات البحرية. ومن أحدث الأصناف يلي لفتت الانتباه عندن سندويشة شاورما السمك، وهي فكرة جديدة جمعت بين نكهة الشاورما والمأكولات البحرية بطريقة مميزة، وبتحمّس اللي بحبوا يجربوا شي غير مألوف.

العنوان: المزة – دمشق
الحجز: 0941434333

4. مرجان

مرجان من المطاعم يلي صارت معروفة بين محبي المأكولات البحرية بسبب أطباقها الغنية وتنوع خياراتها. ومن أشهر الأصناف عندن الكريك، وهو طبق بيجمع أنواع مختلفة من ثمار البحر ضمن وجبة كبيرة مناسبة للمشاركة. المطعم عنده أكثر من فرع، وبيقدم خيارات متنوعة من الصيادية والقريدس والأسماك المشوية لمحبي النكهات البحرية.

العنوان:

فرع 1 :الميدان – بيغ فايف
فرع 2: كفرسوسة – داماسكينو مول
الحجز: 0940652965 / 0118888799

بالنهاية سواء كنتوا من محبي الصيادية، القريدس، الأسماك المشوية أو أطباق السي فود الغنية، هالأماكن الأربعة بتعطيكن خيارات متنوعة لمأكولات بحرية بدمشق. اختاروا الجو يلي بناسبكن، وجهزوا حالكن لسفرة صيفية طعمتها ولا أطيب.

المزيد في قسم كول وشكور على موقعنا للمزيد!