فندق باب توما الأثري: سحر الإقامة في قلب دمشق القديمة  (مع الأسعار)

بأزقة باب توما، بين الحجار القديمة اللي عمرها أكتر من ألف سنة وبجوّ البيوت الدمشقية اللي مرق عليها حضارات وذكريات وناس، بيستقبلك فندق باب توما الأثري متل لؤلؤة شامية لساها محافظة على هيبتها ودفاها وأصالتها. أول خطوة جوّا الفندق بتكفي لحتى تحسّ إنك تركت العصر الحديث وقطعت دغري عزمان تاني… على أيام البيوت العربية الواسعة والليوان والبحرة… وكل التفاصيل اللي بتقول إنو الشام قدّامك، بكل حلاها. هون الإقامة مو مجرد سرير وغرفة… هي تجربة فندقية دمشقية بتشبّه الشام: بهدوئها، برونقها، وبسحرها يلي ما بينعاد.

حكاية مكان… وروح دمشق القديمة

الفندق موجود بباب توما، أحد أجمل وأعرق النقاط التاريخية بدمشق القديمة. بمكان مليان كنائس عمرها مئات السنين، طرقات حجرية عليها آثار الزمن، مقاهي هادية، ومشوار بسيط بوصّلك لسوق الحميدية والجامع الأموي وأهم المعالم الأثرية بالمدينة القديمة. المشي بهالمنطقة جزء من التجربة… بتحس حالك داخل حكاية شامية قديمة، بس هالمرة أنت البطل.

غرف بملمس تراثي و رفاهية بطابع شرقي

الفندق فيه 12 غرفة وجناح، وكل وحدة منها مصممة بأسلوب بيجمع بين فخامة الماضي وراحة الحاضر. قناطر مزخرفة… زجاج ملوّن… خشب الموزاييك المتقن المحفور بإيدي شاميّة… مع تجهيز كامل بكل وسائل الراحة العصرية الحديثة ليخلي إقامتك مميزة : تكييف، تدفئة، إنترنت فضائي، ميني بار، وحمام أنيق بتفاصيل مدروسة. ووسط المكان في أرض الديار، فناء داخلي ساحر بيفتح النفس، مع نافورة ماء دمشقية تقليدية وصوت مي بيعزف سمفونية بتريّح البال. الجلسات حواليها بتخليك تحس إنك ضيف ببيت عربي أثري، مو نزيل بفندق.

خدمة بتشبّه الشام… دفا، لباقة، واهتمام بالتفاصيل

الخدمة بفندق باب توما معمولة على مبدأ “الضيف ضيف الشام”. استقبال 24 ساعة، نظافة يومية دقيقة، كهربا ومياه ساخنة بلا انقطاع، تكييف وتدفئة، وخدمة غرف جاهزة بأي وقت. وبتكمل التجربة بخدمة النقل من وإلى المطار، وتنظيم جولات سياحية خاصة بأسواق دمشق القديمة ومتاحفها…لأنو الضيف عندهم أولوية بكل تفصيل، وبيعتبروا فرد من العيلة.

فطور دمشقي أصيل… من قلب البيت الشامي

جلسة فطور جنب البحرة هي من أجمل اللحظات بهالمكان واللي بتخلي نهارك يبدأ بابتسامة وصباحك يكون أحلى صباح. الطاولة بتتفرد بنكهات شامية أصلية: بيض حسب الطلب، لبنة بلدية، مسبحة، زعتر بأنواعه، مربيات منزلية، جبنة بيضا ومشللة، مكدوس، زيتون، فول، فلافل، تساقي بزيت أو سمنة، ومعجنات ولا أطيب.

غرف وأجنحة بتجمع الأناقة الدمشقية بلمسات عصرية تراثية

الغرف متنوّعة بين أجنحة ملكية، رئاسية، جونيور، وغرف مطلة على أرض الديار. كل غرفة فيها بصمة تراثية واضحة، ولمسة فنية بتخليك تعيش جو البيت الدمشقي بكل تفاصيله.

إذا حابب تعيش بهالمكان الرائع تعرف على الأسعار:

للضيوف السوريين:
الغرفة المفردة: مليون ليرة سورية
الغرفة المزدوجة: مليون ومئة ألف ليرة سورية
السويت: مليون ونص ليرة سورية
(الأسعار تشمل الفطور والضريبة)

للضيوف الأجانب / بالدولار:
غرفة مفردة: 100$
غرفة مزدوجة: 110$
جناح جونيور: 150$
جناح ملكي: 170$
جناح رئاسي: 180$
سرير إضافي: 10$
الفطور: مجاني

للتواصل والحجز

باب توما – جنب مطعم حارتنا – دمشق القديمة
هاتف: ‎963998258888

فندق باب توما الأثري… إقامة تحضّنك بروح الشام، وبتعيشك ذكريات ما بتنتسى.

تجربة أصيلة، راقية، ومليانة تفاصيل عريقة بتستحق تنعاش ولو مرة بالعمر!

المزيد:

مولات دمشق: تجربة تسوق وترفيه ما بتتفوت

خلينا ناخد جولة سريعة على أهم هالمولات