مطعم متخصص لمحبي الجبنة والقرمشة في دمشق 

إذا كنت من الناس يلي بتتغير نفسيتهم أول ما يشوفوا جبنة سايحة وقرمشة ذهبية، فمطعم تشيكانو بجرمانا معمول خصيصاً إلك. هون الجبنة مو مجرد إضافة… هي الأساس، وهي الراعي الرسمي لمزاجك.

تشيكانو متخصص بجميع أنواع الجبن، وكل طبق عندهم فيه لمسة دسمة مدروسة بتخليك تبتسم من أول لقمة. المكان شبابي، الأجواء مريحة، والطعم واضح وقوي متل ما لازم يكون.

لما تزوروا المطعم رح تلاقوا أصناف كتير طيبة متل:

برغر تشكن بجبنة سايحة، كريسبي مقرمش بصوصات متنوعة، باربكيو تشكن ميكس رهيب مع صوص الباربكيو، وكمان المنافسة الأشهر بين شيزا تشكن وهالبينو تشكن لمحبي الطعم الحار.

إذا بتحبوا البيتزا، في بيتزا الفصول الأربعة، مرغريتا، وبيتزا لحومات بطبقة جبنة ولا أطيب.

أما عشاق المعكرونة، فهون الموضوع مختلف… معكرونة تكساس هالبينو، معكرونة الفطر، معكرونة غراتان نار والجبنة سايحة ودايبة دوبان، ومعكرونة مكس تشيز لعشاق الدسم على أصوله.

ولـ يلي بيفضل الأطباق الكاملة، في اسكالوبيني، كوردون بلو بجبنة غنية، شيش طاووق، ووجبة اللغم يلي فيك تختارها مستطيلة أو مدورة.

وحتى السلطات إلها حصة بطابع تشيكانو، سيزر سالاد أو باستا شيف سالاد بخفة وطعم متوازن.

وطبعاً ما فينا ننسى الساندويشات يلي إلها جمهورها الكبير
زنجر، سيزر، مطافي لمحبي الحار، كريسبي بقرمشته الواضحة، أو فيليه تكساس بنكهته الغنية. كل خيار فيهن إلو طعمه المميز، والقرار بيبقى حسب مزاجك.

تشيكانو بيعرف كيف يجمع بين الجبنة، القرمشة، والصوصات بطريقة مدروسة تخلي كل طبق تجربة بحد ذاتها. سواء كنت مع أصحابك أو طالع طلعة سريعة، الطعم هون بالمكان الصح.

أوقات الدوام: من الساعة 12 ظهراً حتى 12 ليلاً
العنوان: دمشق – جرمانا – حي البيدر
توصيل داخل وخارج جرمانا عبر بي أوردر

للتواصل والاستفسار: 0115630000 – 0115620000

إذا كنت من عشاق الجبنة بكل أشكالها، تشيكانو بانتظارك لتجربة دسمة ومشبعة بطابع مختلف.

تأكد تزور قسم #كول-وشكور على موقعنا لتشوف المزيد!