من عشاق السي فود؟ أجدد مطعم بحري بالشام رح يدهشكن بالطعم!

بدمشق، المطعم البحري الحقيقي ما بينقاس بس بنوع السمك، بل بالتجربة كاملة. من المكان، لطريقة التقديم، للتفاصيل اللي بتخليك تحس إنك بمكان معمول على الأصول. وهون بيجي مطعم مرجان كأحد أجدد المطاعم البحرية بالشام، مقدّم تجربة متكاملة لعشّاق السي فود، مبنية على الطعم الفريش، التنوع، والتقديم الراقي.

جلسة أنيقة بتفتح النفس

مطعم مرجان بيستقبلك بمساحة مرتّبة وأنيقة، ديكور عصري، إضاءة مريحة، وتوزيع طاولات مدروس. القعدة واسعة ومناسبة للعائلات والجلسات الطويلة، والمكان فيه إحساس راحة وتنظيم بيخلّيك تستمتع بالتجربة من دون أي تشويش. كل تفصيلة بالمكان معمولة لتخدم القعدة وتكمّل تجربة الأكل.

سي فود فريش… والطعم هو الأساس

الأطباق الرئيسية بمطعم مرجان هي أساس التجربة، ومبنية على فكرة بسيطة وواضحة: تختار نوع السمكة الفريش اللي بتفضّلها، وبتوصل لعندك محضّرة بأسلوب مرجان الخاص. سواء اخترت السمكة الحرّة بنكهتها الغنيّة، أو المشوية على أصولها، أو المقلية بقوام متوازن وطعم واضح، كل طبق معمول بعناية من أول خطوة ليوصل على طاولتك. وكنصيحة ما تفوت تجربة الصيادية بمرجان طعمها لذيذ بيكمّل التجربة، ومحضّر بلمسات الشيف الخاصة وبهارات مرجان المميزة.

أصناف مرجان الخاصة… لمسة تميّز

من أكثر الأشياء اللي بتميّز مطعم مرجان الأصناف الخاصة اللي بتخلّيه مختلف. من كبة مرجان المحشية بفيليه السمك اللذيذة كتير، لـ صينية مرجان المميّزة بأصنافها البحرية المعمولة بالفرن مع بطاطا وذرة ورز. وكمان، سطل مرجان الغني بثمار البحر(قريدس، روبيان، قطع سمك، أخطبوط، سلطعون، وكاليماري)، مقدّم بأربع نكهات مميزة بتناسب كل الأذواق: الكاري، الديناميت، المدخّن، أو البروفنسال.

وأكتر شي بيخلي التجربة رهيبة هون إنو الشيف بيهتم بتفصيص السمك وتقديمه بشكل مريح، لتكون كل لقمة جاهزة للاستمتاع من دون أي تعب أو حسك.

المقبلات الساخنة والباردة… افتتاحية بطعم البحر

قبل الطبق الرئيسي أو معه، المقبلات بمطعم مرجان بتلعب دور مهم بتكملة التجربة. المقبلات الساخنة متل القريدس، الكاليماري، و الجمبري محضّرة بطريقة تحافظ على نكهتها وقوامها، بلإضافة لشوربات بحرية غنية بالطعم وبطاطا حرة لاتقاوم، ومعها المقبلات الباردة من متبلات وباذنجان راهب مع خبز فريش من الفرن الحجري، بتقدّم توازن لطيف على الطاولة وبتحضّر الحواس لباقي الأطباق .

السلطات والمشروبات… ختام منعش ومتوازن

السلطات بمرجان فريش وخفيفة، مقدّمة بنكهات واضحة بتكمل الأطباق البحرية بدون ما تطغى عليها. سلطة الكراب و تبولة مرجان إلها طعمها الخاص والمنعش، بتضيف توازن حلو للوجبة. ولتكمل القعدة، المشروبات المنعشة متل عصير الليمون الأحمر بتكون خيار مثالي، ختام خفيف ومنعش بعد تجربة بحرية غنيّة.

الموقع ومعلومات التواصل

تنظيم كفرسوسة – داماسكينو مول – ردهة المطاعم B2
للحجز والاستفسار: 0112111159

مطعم مرجان عنوان مناسب لكل محبّي السي فود اللي بيدوّروا على مكان أنيق، مأكولات بحرية فريش، تنوّع مدروس، وتفاصيل بتخلي التجربة متكاملة من الجلسة للأطباق، لآخر رشفة. جربوا اليوم واستمتعوا بالطعم البحري الرهيب!

المزيد:

5 مطاعم بتعمل صفيحة شامية ولا أطيب… لازم تجربوها! 

الصفيحة الشامية إرث دمشقي عريق، توارثته الأجيال من أفران الحارات القديمة لـ مطاعم الشام الحديثة. ريحة العجين المحمر بالفرن، وتتبيلة اللحمة الغنية باللبن أو البندورة، ورشة الصنوبر يلي بتكمّل الطعمة…