نادي السيارات السوري: وجهتكم لأقوى فعاليات السيارات والدريفت بدمشق! 

بأجواء فيها الأدرينالين عالي، وصوت المحركات بيعانق سماء دمشق، عم يثبت نادي السيارات السوري إنو اسم حاضر بكل سباق… والوجهة الأساسية لكل حدا بيهتم برياضة السيارات، من سباقات الدريفت لسباقات السرعة، من الكارتينغ للراليات، ومن العروض الترفيهية للبطولات الدولية.

من تاريخ متجذّر لهوية حديثة

تأسس نادي السيارات السوري عام 1950، وصار من سنة 1960 الممثل الرسمي لسوريا بالاتحاد الدولي للسيارات (FIA) ، مو بس لتنظيم الفعاليات، بل كمان لإصدار رخص القيادة الدولية الأصلية ودفاتر التربتيك (المرور الجمركي)، المعترف فيهم عالميًا. ومن وقتها النادي هو الجهة الوحيدة المخوّلة بإصدار الرخص الدولية، وحالياً عم يشتغل ليكون بوابة رياضية حقيقية، تفتح الطريق لعالم المحركات وتنقل هالرياضة من المستوى المحلي للعالمي.

حلبات مليانة حماس… وسباقات بتحبس الأنفاس

من سباقات السرعة، يلي فيها كل ثانية محسوبة، والسائق بعيش فيها معركته مع الزمن، لأجواء الدريفت المجنونة، لما كل دوران بيفرجيك فن السيطرة والانزلاق وأجمل دخان.

من سباقات الكارتينغ يلي بتأسّس الجيل الجديد، لفعالية إستعراض دمشق (Damascus Auto Show) يلي عم تتحوّل لمهرجان جماهيري فعلي، مع عروض مفتوحة، سيارات معدلة، استعراضات نار، وجمهور بيعرف يعيش اللحظة بكل حماس. وما مننسى سباقات الرالي، التحدي الحقيقي للطبيعة، لما الطريق بيكون خصم، والسائق لازم يتقن الملاحة، التحمّل، والقيادة تحت الضغط.

موسم 2025… اسم سوريا عم يلمع بالحلبات

خلال سنة وحدة، نظّم النادي ثلاث جولات كاملة من بطولة سوريا لسباقات السرعة والدريفت. أطلق نسختين ساحرتين من Damascus Auto Show، وشارك ببطولة كأس الأمم للكارتينغ بمنطقة الشرق الأوسط وشمال إفريقيا على حلبة لوسيل بقطر.

والتتويج كان سوريّ بامتياز:

أنس قادري، مازن النجار، لؤي الخطيب أبدعوا بسرعتهم.
محمد وأحمد كريزان، وباسل قلعي سطّروا أسماءهم بالدريفت.
وداليا قباني رفعت الراية بالمشاركة النسائية.

نادي السيارات السوري عم يفتح بابه لكل سائق عنده حلم، ولكل متفرّج حابب يعيش الحماس والإثارة على أرض الواقع.

العنوان: دمشق – ساحة المحافظة
للحجز والاستفسار: 0993201010

لما الحلبة تصير بيتك، والسرعة تصير لغتك… بتعرف إنك من عيلة نادي السيارات السوري.

المزيد بقسم رياضة ونشاطات على موقعنا