وين أطيب محلات بتقدم حلاوة الجبن بـ الشام؟ 

بدمشق، الحلا ما بينقاس بسكّرُه… بينقاس بذكرياته! وحلاوة الجبن الدمشقية تحديداً، محبوبة الجماهير إلها مكانة بالقلب قبل المائدة. من أول لقمة، بتحس بنعومة العجينة، وبرقّة القشطة، وبلذة الفستق الحلبي. لهيك إذا كنت عم تدور على المحلات يلي بتعمل حلاوة الجبن بـ الشام على أصولها، فجمعنالك الأفضل بلا منازع:

1. داوود إخوان

لما بتحب الطراوة والدقّة بالنكهة، داوود إخوان هو الخيار. كل فرع بيقدملك حلاوة الجبن اللذيذة والناعمة والمدللة بالقشطة والفستق الحلبي، ومع خدمة التوصيل السريعة، بتوصلك الحلاوة لعندك… وين ما كنت بالشام.

الأفرع: الميدان – الشعلان – خالد بن الوليد – كفرسوسة – جرمانا – جديدة يابوس
011-2110943 / 0993364438 / 0987475073

2. ديوان المهنا

من أول لقمة رح تحس إنك بـ ديوان متخصص بالحلويات!
القشطة عندن بتدوب دوبان، والعجينة معمولة بإتقان بيخلي كل قطعة حكاية. حلاوة الجبن عند ديوان المهنا هي فعلاً عنوان السعادة الدمشقية.

العنوان: المزة – المالكي – الغساني – دمر
0991155161 / 0991155154 / 0981114000

3. حلويات مراد

من سنة 1967 ومراد عم يصنع الحلو الدمشقي بأعلى مستوى. حلاوة الجبن عندن قطعة فنية: طرية، محشية بالقشطة و الفستق الحلبي، وحتى نسختها التركية بتاخدك برحلة نكهة ما بتتقاوم.

العنوان: الصالحية – دمشق
0112323284 / 0933214989

4. ابن عباس

حلاوة الجبن حمصية؟ ولا حموية؟ ابن عباس جمع الطريقتين! حلاوة الجبن محشية ومدلّلة، والنكهة بتشهي. من المحلات يلي لازم تجربها إذا بدك فعلاً تعيش حلاوة الشام!

العنوان: استراد المزة – شارع حلب / العباسيين
0114050 / 0982411115

الشام مو بس مدينة الياسمين، هي كمان مدينة الحلويات و حلاوة الجبن فيها ما إلها مثيل. دلل حالك، وجرب هالمحلات، وخلي المذاق هو يلي يحكم!

اقرأ المزيد:

أشهر محلات الحلويات بدمشق: طعمة بتخليك ترجع كل مرة!

الحلويات الدمشقية معروفة من زمان، وطعمتها بضل ببال كل حدا بيدوقها. بمكوناتها الغنية من الفستق الحلبي اللوز او الجوز مع السمن البلدي، كل نوع من هالحلويات بيحكي قصة. هون قائمة بأهم محلات الحلويات بدمشق يلي بتقدم أشهى الأصناف: