4 مطاعم برغر جديدة بالشام لازم تجربوها

إذا كنت من عشاق البرغر وبتحب دائماً تكتشف أماكن جديدة بطعمة مميزة وصوصات مبتكرة، جمعنالك قائمة بأحدث المطاعم يلي عم تقدم برغر بالشام، من كلاسيك المشوي عالفحم للنكهات العصرية المميزة. حضر حالك لتجربة مليانة نكهات!

1. الداغر برغر

برغر كلاسيكي بطابع مميز، مع لحمة مشوية عالفحم وصوص الداغر الخاص. تنوع كبير بين الكلاسيك، الكلاسيك مع بيض، مشروم أونيون، سبايسي مانغو، والكرانشي… كل سندويشة بتجمع بين الطراوة والنكهة القوية.

مشروع دمر – الجزيرة العاشرة ب – سوق ٢٦

2. بيغ تراك برغر

تجربة متكاملة من المقبلات للبرغر. أونيون رينغز، موزاريلا ستيكس، وبونلس تندرز بيفتحوا النفس.

 البرغر غني، من الدبل سويس مشروم اللذيذ للبيستو جاج برغر الخفيف. الطعمة هون بتجمع بين الجرأة والتميز.
طلعة آمرية الطيران – مقابل السفارة الإماراتية – دخلة ساحة مروش

3. برغر كيز

برغر كيز بالشام جايبلك تجربة جديدة بكل معنى الكلمة:
من البرغر الكلاسيكي للبرغر الخفيف، وبرغر للدايت كمان! خيارات بتناسب كل الأذواق.

وفيك تطلب وين ما كنت بالشام وحتى ليعفور وقرى الشام عن طريق تطبيق Bee order أو عن طريق تطبيق Movo

أبو رمانة – ساحة المطاعم

4. كريزي كارت

برغر جريء ومختلف. فولكانو برغر لعشاق الحر، ودراغون ميكس او مشروم برغر لعشاق الطعمة الغنية. السندويشات دسمة ومليانة نكهات، والقعدة بتخليك تعيش تجربة متكاملة.
شعلان – حارة دار السلام | دامسكينو مول – B2

أي نوع برغر بتحبوا تجربوا أول شي؟ الكلاسيكي ولا الغريب يلي فيه مانغو أو بيستو؟

انبسطت بهالمقال عن 4 مطاعم برغر جديدة بالشام لازم تجربوها؟ تأكد تزور قسم #كول-وشكور على موقعنا لتشوف المزيد!