ملحم كبابجي: الطعم التركي المميز بقلب الشام، لاتفوتوا! 

أول ما بتدخل عـ ملحم كبابجي، بتحس حالك طالع سفرة سريعة عـ تركيا، بس وأنت قاعد بـ الشام! الديكور عصري وفيه لمسة تقديم تركية أنيقة، الإضاءة هادية، والطاولات مرتبة بأجواء راقية بتخليك ترتاح وتفتح نفسك عالأكل.

مشاوي على الفحم بتاخد العقل

ما فيك تزور ملحم كبابجي بـ الشام بدون ما تجرب المشاوي التركية. من كباب أضنة الحار، لـ كباب الباذنجان، وصرما كباب كل سيخ مشوي عالفحم ومتبّل بتتبيلة تركية أصيلة. ولا تنسى تاووك كباب الطري، يلي كل لقمة منو بتحكي نكهة. هون المشاوي ما في داعي تحكي عنها… بتشوفها وبتشتهيها وبتطلبها فوراً.

أطباق الفخارة… دسامة راقية

الأطباق يلي بتطلع بتغلي من الفرن إلها سحر خاص. جرب كباب اللحمة بالصوص الخاص (كارشيك كباب كرميتا )، أو شرحات بالفخارة (كرميتا بيزولا)، وحتى الشيش طاووق بالفخارة، كلها بتتقدم بحرارة وطراوة بتخلي كل لقمة تجربة لحالها.

مقبلات وسلطات منوعة وجديدة

قبل ما توصل الأطباق الرئيسية، بتكون المازة عالطاولة جاهزة. من الحمص عصملية وهيداري والسوزما، لـ المحمّرة واليالنجي وسلطة الجرجير وسلطة الراعي، النكهات متقنة وموزونة، وكل صنف بيكمل السفرة.

سندويشات تركية بطابع خاص

إذا عبالك سناك سريع أو وجبة خفيفة، عندك تشكيلة سندويشات بتجنن:
شيش طاووق تركي، كباب اضنة بالخبز التركي ، برغر بصوص الباربكيو أو السيراتشا، وكريسبي مقرمش… وكل وحدة منهن بتشبع وبتخليك تجرب النكهات التركية ع اصولها.

رز على الطريقة التركية:

رز مع كباب ملحم، رز بالدجاج( تاووك بيلاو)، مندي… طريقة الطهو ونكهة الصوصات بيخلوه طبق أساسي مو بس جنب الأكل، أحياناً بيستاهل ينطلب لحالو!

التحلاية … مسك الختام؟

الرز بحليب التركي الناعم أو كنافة عصملية عالفحم دافية، بتختم الوجبة بمزاج عالي.

العنوان: دمشق – المالكي – الشارع الموازي للسفارة البابوية
للحجز والاستفسار 0113336994 – 0934008005

ملحم كبابجي هو تجربة بتجمع بين الأصالة والطعم الراقي. لكل حدا بيحب المشاوي التركية والجو المرتب، هالمكان ما بيتفوت أبداً! جربوه، وخلّو الطعمة تحكي عن حالها!

تأكد تزور قسم #كول-وشكور على موقعنا لتشوف المزيد!