5 من أفضل مطاعم المشاوي الشامية بدمشق

شو في أطيب من سفرة المشاوي الشامية العامرة بالكباب والشقف والمقبلات، ولمّة حلوة مع الأهل والرفقات؟ وبدمشق، في مطاعم بتجمع بين النكهات الأصيلة والأجواء اللي بتحلّي الطلعة. فإذا عبالكن سفرة المشاوي عالأصول، جمعنالكن 5 مطاعم بدمشق بتستاهل تكون وجهتكن الجاية!

1. مطعم الروضة

إذا كنتوا من عشّاق المشاوي الشامية، فـ مطعم الروضة بيقدّم تشكيلة متنوعة من اللحوم المشوية، إلى جانب الطبخ الشرقي والمعجنات. وفيكن كمان تطلبوا مشاويكن المفضّلة للبيت مع خدمة التوصيل.

الموقع: الميدان، الصحابة، دمشق.

التواصل: 0945409999 – 0118815344

2. مطعم العمدة

لمحبّي المشاوي والسفرات الشرقية العامرة، مطعم العمدة بيقدّم أصناف متنوعة من اللحوم والمشاوي والمعجنات، مع مأكولات شرقية بتكمّل الوجبة، ليكون خيار مناسب لغدا مشبع مع العيلة أو الرفقات.

الموقع: الميدان، مول البيغ فايف، الطابق الخامس.

التواصل: 0930451791 – 88844806

3. مطعم ألف ليلة وليلة

إذا عبالكن مشاوي مع قعدة حلوة، فـ مطعم ألف ليلة وليلة من الأماكن اللي ممكن تختاروها للّمة عائلية، مع أطباق شرقية وسلطات فريش بتكمّل سفرة المشاوي.

الموقع: طريق مطار دمشق، الجسر الخامس.

التواصل: 0116443111 – 0944001910

4. مطعم أبو فارس

ولعشّاق المشاوي بالنكهة الدمشقية، مطعم أبو فارس بيقدّم تشكيلة من المشاوي والأطباق الشرقية، ضمن صالة جديدة وأجواء عائلية، مع مساحة ألعاب للصغار بتخلّي الطلعة مناسبة لكل أفراد العيلة.

الموقع: الصبورة – طريق قرى الشام.

التواصل: 0948884999-0947512000

5. مطعم ستة إلا ربع

أما إذا كنتوا من جماعة الكباب والشقف، فـ مطعم ستة إلا ربع بيقدّم مشاوي متنوعة، شيش ولحم غنم وكباب لحمة ودجاج، مع خدمة توصيل داخل دمشق لتستمتعوا بالنكهات اللي بتحبّوها وين ما كنتوا.

الموقع: السبع بحرات، شارع العابد، دمشق.

التواصل: 0114470045

فإذا عبالكن مشاوي عالفحم ولمّة حلوة، حطّوا هالأماكن في دمشق على قائمة طلعاتكن الجاية، وخبرونا… أي مطعم حابين تجرّبوا أول شي؟

المزيد

وين تجرّبوا أطيب فتة وتسقية بدمشق؟

للفتات والتساقي مكانة خاصة على سفرتنا الشامية، وخصوصاً لما تكون محضّرة على الأصول،