دليل مشوارك ب كفرسوسة: مطاعم و كافيهات لازم تعرفها

كفرسوسة من المناطق اللي بتجمع خيارات كتيرة للطلعة، من مطاعم للغدا والعشا لكافيهات ومحلات حلو، ومع وجود شام سيتي سنتر ودامسكينو مول بتصير الخيارات أوسع وأكتر تنوعاً، ولهيك جمعنالكن مجموعة من أبرز مطاعم و كافيهات كفرسوسة بدمشق حتى تلاقوا بسهولة مطرح يناسب مشواركن الجاية.

1. مطعم بيت الشرق

إذا بتحبوا الأكل الشامي، بيت الشرق بيقدم مأكولات دمشقية وشرقية، وخصوصاً للجمعات العائلية والغدا مع الأهل.

2. مطعم استبرق

بـ استبرق بتلاقوا المأكولات الشرقية والدمشقية، يعني من الأماكن اللي ممكن تقصدوها لما تشتاقوا لسفرة بطابع شامي.

3. مطعم شام غريل

شام غريل بيجمع بين الأطباق الغربية والشرقية والبحرية، غير الباستا، فبتلاقوا عنده تنوع بين أكتر من مطبخ. ومناسب بكل وقت، من غدا مع العيلة لجمعة مع الرفقات أو عشا المسا.

4. تايو سوشي

وللي عبالهن سوشي وأكل آسيوي، في تايو سوشي، للتغيير عن المطاعم الشرقية والوجبات السريعة الموجودة بالمنطقة.

5. كباب لينك

إذا اشتهيتوا مشاوي، كباب لينك متخصص بالكباب واللحوم المشوية بكل أنواعها بالإضافة للسندويشات المتنوعة.

6. شاورما انس

شاورما انس للشاورما والفروج، سواء بدكن غدا سريع بنص النهار أو وجبة عالعشا بتلاقوا عندو أطيب الاصناف.

7. كوك دور

كوك دور من خيارات الوجبات السريعة والسندويشات، لطلعة خفيفة مع الرفقات أو أكلة من دون قعدة طويلة.

8. فاير مان برغر

إذا الاختيار برغر، فاير مان برغر واحد من الأسماء المميزة بكفرسوسة لمحبي البرغر والوجبات السريعة.

9. بيتزاريللي

بيتزاريللي للبيتزا والسلطات، وخصوصاً بطلعات الرفقات والمجموعات اللي بتحب تطلب أكتر من صنف وتشارك الأكل.

10. مرجان

ولمحبي السمك، مرجان متخصص بالمأكولات البحرية، وبيعطي تنويع حلو لعشاق السي فود.

11. بورصة

بورصة كافيه بطابع تركي، للقهوة والقعدات الحلوة مع الرفقات، وخصوصاً بطلعات المسا.

12. كوتشينيلا

كوتشينيلا كافيه للقهوة والحلويات والقعدة ع رواق، سواء كان الموعد بنص النهار أو المسا .

13. عصير أبو عبده

عصير أبو عبده للعصائر وسلطات الفواكه والمشروبات الباردة، خصوصاً لما يكون عبالكن شي فريش و منعش.

14. شكرجي

وإذا بدكن تختموا المشوار بشي حلو، شكرجي للبوظة والحلويات، وممكن يكون لحاله سبب كافي لطلعة تحلاية.

ولسا في خيارات أكتر بكفرسوسة

برغر ووجبات سريعة

فلات برغر، روود هاوس، وينغ اوفر، كينغ أوف وينغز، كزتاكي، سموكي برغر، سردار، اكشن طاووق، كريسبي واي.

كافيهات

ستيم، كافيين لاب، بارون هاوس، مكاني، ماربل، العكيد، وغاردينيا.

أكل شرقي

رمان، دهب، هاينيس.

سندويشات وبيتزا

بيتزا هت، كومبير كينغ، وشاركوول.

حلويات وبوظة

:نبيل نفيسة، ديب اند ديب، لايك فريش، عزام أوغلو، شوكو سوامب، هوكو سويتس، بيت الليمون، ورد الشام، حلويات كوكش، بوظة الخانم، مطبخ وحلويات الوسام، ومطبخ وحلويات داوود.

وإنتو، شو المطعم أو الكافيه اللي بتحبوا تضيفوه عالدليل؟

المزيد

 5 كافيهات لطلعة رايقة بتغير المزاج!

بهالمقال رح نمرّ على خمس كافيهات بريف دمشق تميزوا بطابعهم الخاص،