أماكن حلوة للتصوير بالشام والأكل فيها ولا أطيب

في أماكن بتشدّكم من أول ما تفوتوا، مو بس بأجوائها الحلوة، بل بكل تفصيلة فيها؛ من الإضاءة والديكور لطريقة ترتيب القعدات وتقديم الأطباق. ولما يكون الأكل بنفس مستوى جمال المكان، بتصير الطلعة متكاملة بين الطعم، الجو، والصور الحلوة. ولهيك جمعنالكم مجموعة أماكن للتصوير بالشام بتجمع هالتفاصيل كلها، وبتخلي كل زيارة مليانة لحظات حلوة بتستاهل تتوثق بصورة مميزة.

1. مطعم بيتزاريا

بيتزاريا من الأماكن يلي بيعرف كيف يلفت النظر من أول خطوة. الديكور أنيق بلمسة إيطالية واضحة، الإضاءة مدروسة، والتفاصيل بتتغير وبتتجدد كل فترة، فكل زيارة ممكن تعطيكم صور مختلفة وأجواء جديدة. المكان مناسب لعشا رايق، سهرة مميزة، أو حتى عيد ميلاد ومناسبة خاصة إذا بدكم جو أنيق ومرتب. ومع تقديم الأطباق بطريقة جميلة، حتى صور الأكل بتطلع خيالية .

الموقع: فندق الشيراتون – دمشق

2. تراس دمشق الدولي

مكان واسع وأنيق، فيه جلسات داخلية وخارجية، ورد وإضاءة دافية وزوايا تصوير كتيرة. مناسب للصور الجماعية، الستوريز، وحتى صور القهوة والأكل بقعدة مرتبة ورايقة.

الموقع: البحصة – فندق دمشق الدولي – الطابق A

3. كافيه سيرجيلا

سيرجيلا من الأماكن يلي الصورة فيه بتحكي لحالها. اللون الوردي غالب على الديكور، والمكان مليان بالأزهار والتفاصيل الناعمة، ومع البحرة والزخارف وطابع البيت العربي بتطلع الصور بروح شامية عصرية ومميزة.

الموقع: دمشق القديمة – القيمرية – جانب مكتب عنبر

4. كافيه بهيرة ونظيرة

بهيرة ونظيرة مناسب للي بيحبوا الصور العصرية والمرتبة. الديكور أنيق، الزوايا متنوعة، والكريب والعصائر كمان بتطلع حلوة بالصور. ومع وجود مكان مخصص للأطفال، بيكون خيار لطيف للعيلة والرفقات.

الموقع: مساكن برزة – جانب أمية كلاس

5. مطعم ومخبز بيتوتوا

بيتوتوا بيعتمد على الأناقة الهادية: ألوان ناعمة، إضاءة مدروسة وقعدات عصرية راقية. حتى طريقة تقديم الأطباق والمخبوزات بتكمل الصورة، فالمكان مناسب لفطور، قهوة، أو قعدة أنيقة بصور مرتبة وراقية.

الموقع:

المالكي – دمشق

بوليفارد الفورسيزن – دمشق

6. مخبز ومكتبة المنهل

المنهل مو مجرد مخبز؛ هو مساحة بتجمع الخبز، الكتب، القهوة وروح دمشق القديمة. ولعشاق التصوير، المكان غني بالتفاصيل: رفوف كتب، خشب دافي، فرن حطب قديم، وطاولات بتعطي الصور طابع هادي ومميز. سواء صورة مع كتاب وقهوة، أو لقطة جنب الفرن، كل زاوية فيه إلها جو خاص وبتطلع طبيعية وحلوة. وبصراحة، من الأماكن يلي بتستحق الزيارة حتى تعيشوا التجربة كاملة مو بس تتصوروا فيها.

الموقع: دمشق القديمة – الطريق المستقيم

7. كزا ميزا كافيه

كزا ميزا من الأماكن يلي بتحسوا إنو كل زاوية فيه معمولة للصورة. ديكور مرتب، تفاصيل ملفتة، أكل ولا أطيب وقعدات بتعطي كل لقطة طابع مختلف، لدرجة إنو كل ركن أحلى من التاني. مكان مناسب لقعدة خفيفة، قهوة، وصور حلوة بتكمل الطلعة.

الفروع:

الطلياني – خلف حلويات الليوان

المزرعة – نادي بردى

وبالنهاية، هالأماكن بتجمع الأكل الطيب، الأجواء الحلوة، والصور المرتبة… وبتستاهل تكون ضمن طلعاتكم الجاية.

المزيد

 5 كافيهات لطلعة رايقة بتغير المزاج!

بهالمقال رح نمرّ على خمس كافيهات بريف دمشق تميزوا بطابعهم الخاص،