بوظة ع جارنك: أبو ياسين عامل ضجة بالشام

كل صيف في نكهة بتسرق الأضواء، وهالمرة الترند إجا من شي ما كنا متوقعينه: الجارنك. الفاكهة اللي منعرفها بطعمها الحامض والمنعش صارت بوظة عند أبو ياسين بالشام، ومع عصرة ليمون خفيفة تحولت لفكرة صيفية جريئة، غريبة، وبتفتح النفس. بوظة الجارنك مو بس اسم جديد على المنيو، هي تجربة مختلفة لمحبي النكهات الحامضة والباردة، خصوصاً بأيام الصيف. فيها طعم الفاكهة واضح، وفيها انتعاش بيخليها مناسبة جداً لمشوار صيفي سريع أو ضيافة غير تقليدية.

نكهات فواكه طبيعية

أبو ياسين ما وقف عند ترند الجارنك. عنده كمان آيس كريم بقطع فواكه فريش، متل الفريز، المانجو، الكيوي، والأناناس، وكل نكهة معمولة لتعطي طعم الفاكهة الحقيقي، مو مجرد نكهة صناعية. والأهم إنو البوظة والآيس كريم عندن بمكونات طبيعية، ومن دون أي ملوّنات صناعية.

بوظة وآيس كريم لكل الأذواق

التشكيلة عند أبو ياسين واسعة ومتنوعة كتير، وبتناسب اللي بيحب النكهات الكلاسيكية أو اللي بيدور على شي جديد. بتلاقوا عندو آيس كريم الشوكولا، الأوريو، الكراميل، النسكافيه، جوز الهند، المانجو، والتوتي فروتي. ولمحبي النكهات الشرقية، في خيارات متل المن والسلوى، جلاب باللوز، وجوز الهند بالأشمليش، بالإضافة لـ البوظة العربية على أصولها، بطعمها الدمشقي المعروف.

كاسيتا وضيافة فاخرة

إذا عندكن مناسبة، خطبة، عرس، أو لمة عيلة، الكاسيتا عند أبو ياسين خيار مرتب وبيليق بالضيافة. النكهات متنوعة بين الفواكه، المكسرات، النسكافيه، والمن والسلوى، وبتناسب أكتر من ذوق بنفس الوقت. هيك ضيافة بتكون خفيفة، باردة، وشكلها حلو، خصوصاً بالصيف لما الناس بتدور على شي منعش بدل الحلويات التقيلة.

حلويات مميزة

غير البوظة والآيس كريم، أبو ياسين عنده حلويات غربية، بيتفور بأنواعه، حلاوة الجبن، وكيك. يعني فيك تمرتاخد بوظة، أو تطلب ضيافة كاملة للبيت، أو تختار حلو مرتب مع القهوة.

ليش تجربوه؟

لأنو أبو ياسين قدر يقدّم فكرة صيفية ذكية: نكهة شامية مألوفة مثل الجانرك، بس بطريقة جديدة ومنعشة. وبنفس الوقت، عنده تشكيلة واسعة من البوظة الطبيعية، الفواكه الفريش، النكهات الشرقية، والكاسيتا. إذا بتحبوا تجربوا شي مختلف، أو بدكن بوظة طبيعية بدون ملوّنات صناعية، أبو ياسين بيستاهل يكون على قائمة مشاويركن هالصيف.

العنوان: المهاجرين، سكة، مصطبة، جانب مطعم قاسيون
للطلب والتواصل: 0113712896

المزيد

 5 كافيهات لطلعة رايقة بتغير المزاج!

بهالمقال رح نمرّ على خمس كافيهات بريف دمشق تميزوا بطابعهم الخاص، وكل واحد منهم عنده جو مختلف ممكن تروّق فيه على طريقتك: